Śviet77

Sud u ZŠA nie staŭ zabaraniać palityčnuju łatareju Iłana Maska

Sud u Piensilvanii nie zabaraniŭ miljarderu Iłanu Masku pravodzić łatareju na 1 miljon dalaraŭ siarod vybarščykaŭ chistkich štataŭ napiaredadni prezidenckich vybaraŭ u ZŠA.

Iłan Mask. Fota: Susan Walsh, AP

Sudździa ahulnaj jurysdykcyi Anžeła Faljeta ŭ paniadziełak pryniaŭ rašeńnie nie zabaraniać łatareju paśla taho, jak advakaty Maska zajavili, što atrymalniki hrošaj vybirajucca nie vypadkovym čynam, a źjaŭlajucca «pradstaŭnikami, jakija atrymlivajuć płatu». Rašeńnie sudździ maje simvaličny charaktar, bo łatareja ŭsio roŭna budzie zavieršana ŭ dzień prezidenckich vybaraŭ, 5 listapada, piša Deutsche Welle.

«Atrymalniki 1 miljona dalaraŭ nie vybirajucca vypadkovym čynam. My dakładna viedajem, chto budzie abvieščany atrymalnikam siońnia i zaŭtra», — zajaviŭ advakat miljardera Krys Hobier.

U svaju čarhu, dyrektar arhanizacyi, jakaja naležyć Masku — America PAC, jakaja pravodzić łatareju, adznačyŭ, što atrymalnikaŭ miljona dołaraŭ praviarajuć zahadzia, kab «adčuć ich asobu i pierakanacca, što ich kaštoŭnaści supadajuć» z kaštoŭnaściami America PAC.

Raniej akružny prakuror horada Fiładelfija Łary Kraśnier nazvaŭ palityčnuju łatareju Maska machlarstvam, «jakoje faktyčna pryznačana ŭpłyvać na nacyjanalnyja vybary», i patrabavaŭ jaje spynić.

Miljon ad Maska: ci zakonnaja łatareja siarod vybarščykaŭ u ZŠA

Samy bahaty čałaviek u śviecie Iłan Mask, adkryta padtrymlivajučy kandydata ŭ prezidenty ZŠA ad Respublikanskaj partyi Donalda Trampa, zapuściŭ svaju łatareju ŭ pačatku kastryčnika.

Arhanizacyja America PAC paabiacała, što kožny dzień miljon dalaraŭ buduć vypłačvać vypadkova abranym vybarščykam u adnym ź siami chistkich štataŭ: Piensilvanii, Džordžyi, Nievadzie, Aryzonie, Viskonsinie, Mičyhanie i Paŭnočnaj Karalinie, dzie, jak čakajecca, vyznačycca pieramožca vybaraŭ prezidenta krainy.

Dla ŭdziełu nieabchodna ŭvieści adras svajoj elektronnaj pošty i padpisać pietycyju ŭ abaronu pieršaj i druhoj papravak da Kanstytucyi ZŠA — svabody słova i prava na zachavańnie i našeńnie zbroi.

U Piensilvanii, akramia miljona pieramožcu łatarei, Mask paabiacaŭ vypłacić pa 100 dalaraŭ kožnamu zarehistravanamu vybarščyku, jaki padpiša pietycyju. Akramia taho, va ŭsich siami chistkich štatach padpisantam abiacałasia vydavać jašče pa 47 dalaraŭ, kali jany zmohuć pierakanać padpisać dakumient jašče adnaho vybarščyka.

Fiederalny zakon prosta zabaraniaje vypłačvać hrošy za rehistracyju dla hałasavańnia abo samo hałasavańnie, i za heta parušalniki mohuć być aštrafavany abo asudžany da turemnaha źniavoleńnia, piša piensilvanskaje vydańnie Capital-Star sa spasyłkaj na ekśpiertaŭ pa vybarčym pravie.

Tym časam apytanyja ahienctvam Reuters ekśpierty padzialilisia ŭ mierkavańniach, ci parušaje toje, što adbyvajecca na pieradvybarčaj kampanii, fiederalny zakon.

Kamientary7

  • Kot
    05.11.2024
    Nie paniatna, tie, kto śniał zapriet, svoj honorar užie połučili i nadiejutsia, čto takim obrazom čto-nibud́ pieriepadiot i ich rodstvieńnikam.
  • babrujčanin
    05.11.2024
    Nie paniatna??? Sud ni zaŭvažyŭ " biezprojhryš" hetaj łaterei tolki " biezkarysnaść" )))
    Fiemida zaplusnuła vočy ci ni da zakonaŭ ??
    50 hod tamu praz prafsajuzy i naŭprost mafija miascovyje " elity - barony" upłyvali na vybary .Praz tatalizatar łaterei taksama ale ličyliś kryminalnikami złodziejami Jak nabyli moc i pačali dzie ni dzie adsoŭvać " palitelitu" mabyć tamu 30 hod jak Hoci pajšoŭ za kraty. Džuliani abrali meram Ńju Jorka Hety ašukaniec Iłona bieź dziaržaŭnych zamoŭleń kantraktaŭ padradaŭ jak u Štatach ci u Kitai .źniknie
  • .
    05.11.2024
    Nie "lehalizavany", a "nie praduhledžany" zabaronami. Dazvolena toje, što nie zabaroniena.
    A jak žadali? Kab było "nie da zakonaŭ"?

Ciapier čytajuć

Tramp pavieryŭ u poŭnuju pieramohu Ukrainy16

Tramp pavieryŭ u poŭnuju pieramohu Ukrainy

Usie naviny →
Usie naviny

Chłopiec ź Indyi pastupiŭ vučycca ŭ Sankt-Pieciarburh, a ŭ jaho adabrali pašpart i adpravili na vajnu4

Kolki treba adkładać u miesiac, kab kupić kvateru pa novaj sistemie budaŭničych źbieražeńniaŭ2

U Polščy zatrymali hrupoŭku, jakaja pa-za sankcyjami pierahaniała luksavyja aŭto ŭ Biełaruś i Rasiju3

Na vulicy Karła Marksa ŭ Minsku pradajuć jarkuju stalinku. Kvadrat kaštuje bolš za $4400

Minčanka pradała mašynu za 900 rubloŭ, a praz čatyry hady daviedałasia pra doŭh 6000 rubloŭ4

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj53

Nvidia damoviłasia inviestavać da $100 młrd u ChatGPT — kampanii płanujuć stvaryć supierintelekt2

«Na prabiehu 40—55 tysiač pačynajuć praharać kłapany». Biełarusy pra dośvied karystańnia Geely14

Jak Stakholm pieramoh zatory biez abureńnia žycharoŭ8

bolš čytanych navin
bolš łajkanych navin

Tramp pavieryŭ u poŭnuju pieramohu Ukrainy16

Tramp pavieryŭ u poŭnuju pieramohu Ukrainy

Hałoŭnaje
Usie naviny →

Zaŭvaha:

 

 

 

 

Zakryć Paviedamić