Jon niekalki dzion znachodziŭsia ŭ reanimacyi ŭ Maskvie.
Na śvitańni 4 listapada na 55-m hodzie žyćcia pamior ajciec Piatro Karnialuk — probašč franciškanskaha klaštara ŭ Maskvie, dušpastyr biełarusaŭ katalickaha vieravyznańnia Maskvy i Maskoŭskaha rehijona, piša catholic.by.
Piatro Karnialuk naradziŭsia 4 lutaha 1970 hoda ŭ vioscy Staroje Siało na Brestčynie ŭ katalickaj siamji. Paśla zakančeńnia siaredniaj škoły pastupiŭ u Minski ŭniviersitet kultury, jaki zakančvaŭ u 1994 hodzie; peŭny čas pracavaŭ u kamiernym arkiestry Bresckaj fiłarmonii.
Naprykancy 1990-ch hadoŭ ustupiŭ u Orden franciškanaŭ, manaskuju farmacyju prachodziŭ u Polščy i Rasii, skončyŭ vyšejšuju duchoŭnuju sieminaryju ŭ Sankt-Pieciarburhu i 4 kastryčnika 2007 hoda pryniaŭ preźbiterskaje paśviačeńnie. Nios słužeńnie ŭ roznych franciškanskich supolnaściach u Rasii: u Čarniachoŭsku (Kalinihradskaja vobłaść), Astrachani, Kałuzie, Sankt-Pieciarburhu.
U apošnija hady byŭ nastajacielem franciškanskaha klaštara śviatoha Franciška ŭ Maskvie, dzie vioŭ dušpastyrstva biełarusaŭ katalickaha vieravyznańnia Maskvy i Maskoŭskaha rehijona, rehularna pravodziŭ dla ich nabaženstvy na biełaruskaj movie.
1 listapada ajciec Piatro trapiŭ u špital, i vierniki arhanizavali bieśpierapynnuju malitvu za jaho.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy4
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary