«Prosta sahnali ŭsich na dvor i nie skazali navošta». Jak zdymajucca roliki dla fłešmobu «Nado»
U Biełarusi zapuścili fłešmob: dziaržarhanizacyi i dziaržorhany publikujuć videa, dzie supracoŭniki havorać: «Nado» Tak jany prosiać Alaksandra Łukašenku ŭdzielničać u prezidenckich vybarach 2025 hoda. «Lusterka» spytała biełarusaŭ pra toje, jak im prapanoŭvali paŭdzielničać u fłešmobie i ci možna było admovicca. Imiony surazmoŭcaŭ źmienienyja dla ich biaśpieki.
Ihar vučycca ŭ adnym ź minskich univiersitetaŭ. Jon raskazaŭ, što takoje videa zdymali ŭ jahonaj VNU — i asablivaha cisku nie było.
«Mianie asabista nie zaprašali, ale zaprašali adnahrupnikaŭ. Adzin čałaviek admoviŭsia, i nichto nie nastojvaŭ na jaho ŭdziele, ale astatnija, jak potym skazali, navat nie zadumvalisia, što možna admovicca», — raskazvaje jon i dadaje, što vynikovy rolik apublikavali ŭ sacsietkach VNU «ŭ žachlivaj jakaści».
«Śmiajalisia potym nad hetym usioj hrupaj, uklučajučy ŭdzielnikaŭ. Śmiajalisia nad samoj idejaj padobnaha fłešmobu i nad jaho farmuloŭkaj, — kaža Ihar. — Luboje zhadvańnie słova «nado» ciapier supravadžajecca vybuchami śmiechu.
Viadoma, jość niekalki čałaviek, jakija jak byccam pastavilisia da hetaha surjozna, ale ź imi ja kantaktuju mała, tamu skazać asabliva ničoha nie mahu».
Jaŭhien vučycca ŭ adnoj z VNU abłasnoha centra. Chłopiec raspaviadaje, što jaho znajomym taksama prapanoŭvali źniacca ŭ videa. Hetaje zadańnie nie było abaviazkovym dla kankretnych studentaŭ, «ale chtości dakładna pavinien zrabić».
«Zahad pastupiŭ z rektarata, — kaža Jaŭhien. — Źniać videa było abaviazkova, nie važna, chto byŭ by ŭ kadry. Tyja, chto kateharyčna suprać, mahli admovicca».
Jašče adna čytačka Viktoryja raskazała, što paŭdzielničała ŭ fłešmobie vypadkova, nie razumiejučy jaho sutnaści.
«Nas prosta sahnali ŭsich na dvor i nie skazali navošta, dastali kamieru i skazali kryčać: «Nado!», — raskazała jana i dadała, što pra sens akcyi jana daviedałasia z navin. — Kali my pytalisia navošta, nam kazali: «Skazali kryčać, značyć, kryčycie»…»
Jašče niekalki biełarusaŭ, jakija ŭdzielničali ŭ zapisie, zhadali pra cisk pry zdymkach videa, ale admovilisia raskazvać «Lusterku» padrabiaznaści.
Heta inšaje? Na čym padstaŭlajuć udzielnikaŭ fłešmobu «Nado!»
«Arhumient znojdziecca». Azaronak pahražaje bizunom biełarusam, jakija nie chočuć siomaha terminu Łukašenki
Ułady Biełarusi zapuścili fłešmob: rabotnikaŭ i vajskoŭcaŭ zmušajuć prasić Łukašenku bałatavacca na 7-y termin VIDEA
Kryndž ad biełaruskich prapahandystaŭ ciapier i pa-polsku
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary