Kołasaŭ nie zhulaŭ matč «Fiładelfii», a Protas pryznany druhoj zorkaj
U matčy čempijanatu Nacyjanalnaj chakiejnaj lihii «Fiładelfija Fłajierz» u haściavym matčy pieramahła «Bostan Bruinz» (2:0). 22-hadovy biełaruski hałkipier Alaksiej Kołasaŭ, jaki braŭ udzieł u papiarednim matčy, zastaŭsia na łaŭcy zapasnych.
Kankurent Kołasava Samuel Ersan ździejśniŭ 23 sejvy i staŭ pieršaj zorkaj matču.
Dalej «Fiładelfija» 1 i 2 listapada praviadzie chatnija matčy spačatku suprać «Sent-Łuisa», a potym — suprać «Bostana».
Nahadajem, što Alaksiej Kołasaŭ staŭ pieršym biełaruskim hałkipieram, jaki zhulaŭ u Nacyjanalnaj chakiejnaj lizie.
Jaho vyklikali z farm-kłuba, i ŭ noč na paniadziełak jon pravioŭ matč suprać «Manreala», jaho kamanda prajhrała 3:4.
A voś forvard Alaksiej Protas, jaki hulaje za «Vašynhton», moža zapisać dzień sabie ŭ aktyŭ. Jaho kłub pieramoh «Ńju-Jork Rejndžers» ź likam 5:3. Alaksiej hulaŭ u pieršym źvianie z Alaksandram Aviečkinym, jon zakinuŭ šajbu i addaŭ dźvie halavyja pieradačy Aviečkinu.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary