Novy abmien pałonnymi vyzvaliŭ z rasijskaj niavoli ŭkrainskaha pravaabaroncu Maksima Butkieviča. Jon dapamahaŭ i biełarusam
Da poŭnamaštabnaha ŭvarvańnia Rasii va Ukrainu pravaabaronca Maksim Butkievič aktyŭna zajmaŭsia dapamohaj biežancam, u tym liku ź Biełarusi.
Bolš za 20 hadoŭ Maksim pryśviaciŭ pravaabarončaj dziejnaści, a 3 sakavika 2022 hoda ŭstupiŭ u šerahi Uzbrojenych sił. U červieni 2022-ha jon trapiŭ u rasijski pałon pad Sievieradanieckam Łuhanskaj vobłaści.
Maksim Butkievič źjaŭlajecca suzasnavalnikam «Hromadśkoho radio» i kaardynataram pravaabarončaj inicyjatyvy» REAct», byŭ u kiravańni ŭkrainskaha pradstaŭnictva Amnesty international i pracavaŭ žurnalistam u Bi-bi-si.
Jon taksama źjaŭlajecca suzasnavalnikam prajekta «Bieź miežaŭ», aktyŭna dapamahaŭ uciekačam i pierasialencam.
U tym liku da poŭnamaštabnaj vajny Butkievič udzielničaŭ u inicyjatyvach, pryśviečanych prablemam lehalizacyi va Ukrainie biełarusaŭ, jakija musili pakinuć krainu pa palityčnych matyvach.
Kamientary