Siłaviki zatrymali pryzyŭnika za praźmierna vialikaje žadańnie słužyć va ŭnutranych vojskach
Supracoŭniki atrada śpiecyjalnaha pryznačeńnia «Buran» razam z HUBAZiKam zatrymali adnaho z pryzyŭnikoŭ, paviedamiŭ telehram-kanał Unutranych vojskaŭ US RB. Padazreńnie vyklikała nibyta haračaje žadańnie chłopca słužyć mienavita ŭ hetych vojskach.
Chłopiec pryciahnuŭ uvahu siłavikoŭ padčas vosieńskaj pryzyŭnoj kampanii.
«Chłopiec asabliva imknuŭsia trapić u vajskovuju čaść 5525 — i, adpaviedna, jaho čakali bazavyja pravierki», — paviedamiŭ telehram-kanał Unutranych vojskaŭ MUS.
Padčas pravierak vyśvietliłasia, što pryzyŭnik nibyta ŭdzielničaŭ u «ekstremisckich» čatach i abmierkavańniach. Za heta chłopca nazvali «dyviersantam» i «kratom», jaki nibyta «byŭ hatovy fatahrafavać vajskovuju techniku, uzbrajeńnie, śpiecsrodki i pieradavać apieratyŭnyja źviestki pra słužbova-bajavuju dziejnaść vojskaŭ».
Ciapier chłopca zatrymali, siłaviki pahražajuć, što ŭ dačynieńni da jaho nibyta źbirajucca raspačać kryminalnuju spravu.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii31
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4343
Kamientary