Сілавікі затрымалі прызыўніка за празмерна вялікае жаданне служыць ва ўнутраных войсках
Супрацоўнікі атрада спецыяльнага прызначэння «Буран» разам з ГУБАЗіКам затрымалі аднаго з прызыўнікоў, паведаміў тэлеграм-канал Унутраных войскаў УС РБ. Падазрэнне выклікала нібыта гарачае жаданне хлопца служыць менавіта ў гэтых войсках.
Хлопец прыцягнуў увагу сілавікоў падчас восеньскай прызыўной кампаніі.
«Хлопец асабліва імкнуўся трапіць у вайсковую часць 5525 — і, адпаведна, яго чакалі базавыя праверкі», — паведаміў тэлеграм-канал Унутраных войскаў МУС.
Падчас праверак высветлілася, што прызыўнік нібыта ўдзельнічаў у «экстрэмісцкіх» чатах і абмеркаваннях. За гэта хлопца назвалі «дыверсантам» і «кратом», які нібыта «быў гатовы фатаграфаваць вайсковую тэхніку, узбраенне, спецсродкі і перадаваць аператыўныя звесткі пра службова-баявую дзейнасць войскаў».
Цяпер хлопца затрымалі, сілавікі пагражаюць, што ў дачыненні да яго нібыта збіраюцца распачаць крымінальную справу.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары