Za apošnija dva dni na biełaruskich mieteastancyjach zafiksavana 11 rekordaŭ ciapła
Dziakujučy karotkačasovaj, ale intensiŭnaj chvali ciapła na biełaruskich mieteastancyjach pierapisana 11 tempieraturnych rekordaŭ, śviedčyć praviedzieny vydańniem «Pozirk» paraŭnalny analiz apieratyŭnych i archiŭnych danych Biełhidramieta.
9 kastryčnika ŭ Pružanach byŭ pierakryty łakalny maksimum 1966 hoda — 23,5 hradusa suprać 23,1 pry absalutnym rekordzie dnia dla ŭsioj krainy 23,6 (u tym ža hodzie ŭ Breście i ŭ 2001-m — na stancyi «Paleskaja» ŭ Łuninieckim rajonie).
10 kastryčnika abnoŭlena 10 rekordaŭ: u Pinsku — 23,6 (21,9 u 1995 hodzie), Ivacevičach — 23,3 (23 u 1995-m), na «Paleskaj» — 23 (22,4 u 2014-m), u Hancavičach — 22,4 (22 u 1995-m), Baranavičach — 22,1 (21,6 u 1995-m), Stoŭbcach — 21,6 (21,3 u 2014-m), Słucku — 21,1 (20,8 u 2014-m), Vałožynie — 20,9 (20 u 2014-m), Navahrudku — 20,5 (20,2 u 2014-m) i Ašmianach — 20,3 (20,2 u 2014-m).
Da paŭtareńnia absalutnaha ekstremumu dnia nie chapiła 0,2 hradusa (23,8 u Lelčycach u 2001 hodzie).
Na 11 kastryčnika Biełhidramiet prahnazavaŭ da 21 hradusa (na ŭschodzie) pry rekordzie 24,3 (u 1995 hodzie ŭ Ivacevičach), na 12-14 kastryčnika — adpaviedna da 15, 14 i 12 hradusaŭ pry vierahodnaści načnych zamarazkaŭ 13 kastryčnika.
Pieršy i da apošniaj chvali ciapła adziny tempieraturny rekord kastryčnika byŭ zafiksavany 3-ha čysła ŭ Mścisłavie (20,5 suprać 20 u 2016 hodzie).
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary