За апошнія два дні на беларускіх метэастанцыях зафіксавана 11 рэкордаў цяпла
Дзякуючы кароткачасовай, але інтэнсіўнай хвалі цяпла на беларускіх метэастанцыях перапісана 11 тэмпературных рэкордаў, сведчыць праведзены выданнем «Позірк» параўнальны аналіз аператыўных і архіўных даных Белгідрамета.
9 кастрычніка ў Пружанах быў перакрыты лакальны максімум 1966 года — 23,5 градуса супраць 23,1 пры абсалютным рэкордзе дня для ўсёй краіны 23,6 (у тым жа годзе ў Брэсце і ў 2001-м — на станцыі «Палеская» ў Лунінецкім раёне).
10 кастрычніка абноўлена 10 рэкордаў: у Пінску — 23,6 (21,9 у 1995 годзе), Івацэвічах — 23,3 (23 у 1995-м), на «Палескай» — 23 (22,4 у 2014-м), у Ганцавічах — 22,4 (22 у 1995-м), Баранавічах — 22,1 (21,6 у 1995-м), Стоўбцах — 21,6 (21,3 у 2014-м), Слуцку — 21,1 (20,8 у 2014-м), Валожыне — 20,9 (20 у 2014-м), Навагрудку — 20,5 (20,2 у 2014-м) і Ашмянах — 20,3 (20,2 у 2014-м).
Да паўтарэння абсалютнага экстрэмуму дня не хапіла 0,2 градуса (23,8 у Лельчыцах у 2001 годзе).
На 11 кастрычніка Белгідрамет прагназаваў да 21 градуса (на ўсходзе) пры рэкордзе 24,3 (у 1995 годзе ў Івацэвічах), на 12-14 кастрычніка — адпаведна да 15, 14 і 12 градусаў пры верагоднасці начных замаразкаў 13 кастрычніка.
Першы і да апошняй хвалі цяпла адзіны тэмпературны рэкорд кастрычніка быў зафіксаваны 3-га чысла ў Мсціславе (20,5 супраць 20 у 2016 годзе).
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары