Для гэтага таксама ёсць свая тэмпературная «адсечка».
Правіламі аўтамабільных перавозак пасажыраў прадугледжана, што кіроўца абавязаны ўключаць ацяпленне салона пры тэмпературы паветра ніжэйшай за плюс 5 градусаў, піша Newgrodno.by..
Зрэшты, ніхто не забараняе ўключыць печку, калі на вуліцы крыху цяплей, але абстаноўка ў салоне таго патрабуе. Перавозчыкі часцей за ўсё арыентуюцца на запыты пасажыраў.
Многія маршруткі абсталяваны дадатковымі аўтаномнымі абагравальнікамі: таму нават у самыя моцныя халады ў салоне камфортная тэмпература.
Аднак, калі меркаваць па прагнозе надвор'я, у бліжэйшыя дні можа спатрэбіцца праца ўсіх кліматычных сістэм маршруткі. Днём абяцаюць амаль летняе цяпло (хоць бы не запатрабавалі кандыцыянер уключаць), а ўначы — амаль зімовы холад (памятаем нюансы пра печку).
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню58
Каментары