Na Hrodzienščynie stavili darožnyja znaki, zavyšajučy kolkaść materyjałaŭ u 25 razoŭ
U Hrodzienskaj vobłaści na ŭstanoŭku adnaho darožnaha znaka pa dakumientach tracili kubamietr bietonu. Ale Kamitet dziaržaŭnaha kantrolu śćviardžaje, što patreba ŭ bietonie była zavyšanaja ŭ dziasiatki razoŭ.
Fakty zavyšeńnia koštu budaŭniča-mantažnych rabot vyjaviŭ KDK u adnoj z arhanizacyj, jakaja zajmajecca ŭparadkavańniem vulična-darožnaj sietki na Hrodzienščynie.
«Zhodna z pradjaŭlenymi arhanizacyjaj raźlikami, dla rableńnia padmurka pry ŭstalavańni adnoj stojki darožnych znakaŭ spatrebiŭsia 1 kubamietr bietonnaj sumiesi, što bolš čym u 25 razoŭ vyšej za patreby ŭ bietonie dla vykanańnia hetaha vidu rabot», — paviedamlaje KDK.
Ciapier kantralory robiać raźliki sumy zavyšeńnia koštu rabot pry ŭstaloŭcy 37 darožnych znakaŭ.
Akramia taho, u chodzie kantrolu za realizacyjaj mierapryjemstvaŭ dziaržprahramy «Darohi Biełarusi» dziaržkantralorami na niekatorych učastkach aŭtamabilnych daroh byli vyjaŭlenyja roznyja defiekty: razbureńnie defarmacyjnych švoŭ, karozija parenčavych aharodžaŭ na puciepravodach i mastach, jakija ŭtvarylisia ŭ harantyjny pieryjad ekspłuatacyi.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary