Kvatery ŭ Minsku stali čaściej kuplać zamiežniki. A staroje žyllo biez ramontu nie cikavaje navat inšaharodnim
Pra trendy na staličnym rynku nieruchomaści raskazali ekśpierty ŭ artykule Realt.
Kvadrat za 2 tysiačy dałaraŭ staŭ štodzionnaściu, kaža kiraŭnik adździeła prodažaŭ ahienctva «Avanhard Nierachomaść» Michaił Vaviłaŭ.
«Jość adčuvańnie, što rynak zamacavaŭsia na hetym uzroŭni, i ŭ nastupnym hodzie jon stanie asnovaj. Padziei na rynku buduć raźvivacca vakoł hetaj ličby».
«Dumaju, što 2026‑y budzie hodam biez rezkich źmien. Cana budzie trymacca na ŭzroŭni 2025‑ha hoda. Mahčymaje płaŭnaje pavyšeńnie pry ŭmovie źnižeńnia staŭki pa ipatečnych kredytach da ŭzroŭniu 12—14%.
Pakolki śpiecyjalisty nie prahnazujuć rostu kursu dalara, heta taksama budzie spryjać stabilnamu popytu», — prahnazuje Vaviłaŭ.
Na rynak nieruchomaści viartajucca zamiežnyja pakupniki — jak z krain SND, tak i ź Jeŭropy, adznačaje kiraŭnica adnaho z adździełaŭ prodažu žylla ahienctva nieruchomaści «Tvaja stalica» Iryna Rybakova.
«Zamiežniki čaściej za ŭsio vybirajuć novyja kvatery z ramontam abo damy. Adna z pryčyn, čamu zamiežnikam cikavaje žyllo ŭ Biełarusi, zaklučajecca ŭ tym, što ŭ nas pry kupli nie patrabujecca paćviardžeńnie dachodu».
U biełaruskich pakupnikoŭ asablivym popytam karystajucca kvatery nievialikaha mietražu z ramontam u novych damach.
«Kvadrat u takich kvaterach u siarednim dachodzić da troch tysiač dalaraŭ. «Chruščoŭki» i «brežnieŭki» z ramontam u dobrych miescach taksama mohuć pradavacca pa vysokich cenach. A voś stary fond biez ramontu pakupniku zusim niecikavy. Navat inšaharodnija nie chočuć razhladać hetyja varyjanty, choć raniej zdavałasia, što kali ludziam treba startavać z čahości, to jany mohuć vybrać takuju kvateru ŭ jakaści pieršaha žylla ŭ Minsku. Zaraz ža pakupniki lepš vybieruć prostuju novabudoŭlu, bo vielmi bajacca ŭciahvacca ŭ ramont», — dzielicca Rybakova.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary