«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki
Adny pišuć: «Chiba možna zabaraniać ludziam radavacca jak dzieciam?». Inšyja kateharyčnyja: saluty tolki škodziać pryrodzie i ludziam.
Sa studzienia 2025 hoda ŭ Biełarusi zabaronieny prodaž salutaŭ, pietard, rakietnic i inšaj piratechniki II, III, IV i V kłasaŭ niebiaśpieki. Dazvolenyja tolki bienhalskija ahni, chłapuški, tortavyja fantany (vyraby I-ha kłasa niebiaśpieki). Pryčynaj takoj miery nazyvaŭsia rost traŭm z-za niapravilnaha vykarystańnia hetych vyrabaŭ.
U navahodniuju noč minčanka vykłała videa fiejervierkaŭ na rajonie i padpisała: «Zvaniu miantam». U kamientaryjach pad videa razharełasia sprečka pamiž prychilnikami i praciŭnikami piratechniki.
Tyja, chto suprać, tłumačać, što saluty škodziać žyviołam i ptuškam i niasuć niebiaśpieku.
«Ja vieterynarny doktar. U hadzinu nočy mnie pryvieźli dvuch sabak ź insultam, jakija dryžali i byli ŭ poŭnym šoku. Zapuskajcie dalej saluty, a ja padtrymaju aŭtara i vykliču milicyju».
«Saluty — heta pryčyna śmierci vielizarnaj kolkaści ptušak, uciokaŭ i žudasnaha stresu dla chatnich i biazdomnych žyvioł (dy stres dla mnohich ludziej, maleńkich dziaciej) plus kolkaść pažaraŭ, adarvanych kancavinaŭ. Dy i asacyjacyi chutčej z bambiožkaj, čym sa śviatam. A ludziam aby paru chvilin pahladzieć. Dla mianie asabista heta markier čałavieka na adekvatnaść».
«Kali ja była padletkam, nam u navahodniuju noč u akno 8 paviercha zalacieła pietarda i padpaliła kuchniu. Nam pašancavała, što my byli doma, ale nie na kuchni. Heta pipiec jak strašna. Z tych časoŭ ja nienavidžu saluty i ŭsio heta bydlačaje zadavalnieńnie».
Amatary fiejervierkaŭ pišuć: navošta zabaraniać radavacca śviatu?
«Mnie było, budzie plavać na vašy zakony. Heta śviata. A śviata jość śviata, viečna nyjecie, pryvučajcie svaich žyvioł nie bajacca, heta vaša adkaznaść, a nie adkaznaść inšych. Saluty supier! Vielmi pryhožyja, raz na hod možna».
«Chiba možna zabaraniać ludziam radavacca jak dzieciam? Straty nie takija vialikija, jak vy tut usio padajacie, a radaść ad hetaha tolki raz na hod možna atrymać. Nastupnaha takoha razu ŭ mnohich užo nie budzie… Tut, jak zaŭsiody, prablema nie ŭ fiejervierkach, a ŭ ludziach, jakija nie vykonvajuć instrukcyju i nie adychodziać dalej ad damoŭ. Ale čamu z-za parački prydurkaŭ inšyja pavinny pazbaŭlać siabie ščaścia?»
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»32
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
Nadiejuś hubop jeje naučit miliciju lubiť)