45‑hadovaha acenščyka sa Smalavičaŭ asudzili pa «spravie Hajuna». Voś što pra jaho viadoma
Pavieł Pietražycki — daśviedčany acenščyk sa stažam amal 20 hadoŭ.
Paŭłu Pietražyckamu 45 hadoŭ. Jon rodam z Hrodna, ale daŭno pierabraŭsia ŭ Minsk, a paśla ŭ Smalavičy.
Mužčyna — prafiesijny acenščyk sa stažam amal 20 hadoŭ. Z 2015 hoda jon byŭ zarehistravany jak indyvidualny pradprymalnik u Smalavičach. U krasaviku 2023 hoda Pavieł atrymaŭ śviedčańnie, što jon atestavany acenščyk, jakoje musiła dziejničać da 2026 hoda. Raniej jon pracavaŭ u staličnaj kampanii «Centr ekanamičnych prajektaŭ», jakaja zajmajecca acenkaj majomaści.
Pavieł vioŭ aktyŭny ład žyćcia i šmat padarožničaŭ. U internecie zachavalisia jaho profili na turystyčnych servisach, a ŭ sacsietkach jon časam padpisvaŭsia jak Pavel Tourist.
U kancy 2025 hoda Pietražyckaha asudzili ŭ Minskim abłasnym sudzie pa častkach 1 i 2 artykuła 361‑4 KK — «sadziejničańnie ekstremisckaj dziejnaści». Jon atrymaŭ termin abo ŭ kałonii, abo na «chimii» z nakiravańniem.
Detali spravy i toje, što mienavita stała nahodaj dla pieraśledu, pakul nieviadomyja, ale, chutčej za ŭsio, represii źviazanyja sa «spravaj Hajuna».
«Naša Niva» — bastyjon biełaruščyny
PADTRYMAĆCiapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary