45‑гадовага ацэншчыка са Смалявічаў асудзілі па справе Гаюна. Вось што пра яго вядома
Павел Петражыцкі — дасведчаны ацэншчык са стажам амаль 20 гадоў.
Паўлу Петражыцкаму 45 гадоў. Ён родам з Гродна, але даўно перабраўся ў Мінск, а пасля ў Смалявічы.
Мужчына — прафесійны ацэншчык са стажам амаль 20 гадоў. З 2015 года ён быў зарэгістраваны як індывідуальны прадпрымальнік у Смалявічах. У красавіку 2023 года Павел атрымаў сведчанне, што ён атэставаны ацэншчык, якое мусіла дзейнічаць да 2026 года. Раней ён працаваў у сталічнай кампаніі «Цэнтр эканамічных праектаў», якая займаецца ацэнкай маёмасці.
Павел вёў актыўны лад жыцця і шмат падарожнічаў. У інтэрнэце захаваліся яго профілі на турыстычных сэрвісах, а ў сацсетках ён часам падпісваўся як Pavel Tourist.
У канцы 2025 года Петражыцкага асудзілі ў Мінскім абласным судзе па частках 1 і 2 артыкула 361‑4 КК — «садзейнічанне экстрэмісцкай дзейнасці». Ён атрымаў тэрмін або ў калоніі, або на хіміі з накіраваннем.
Дэталі справы і тое, што менавіта стала нагодай для пераследу, пакуль невядомыя, але, хутчэй за ўсё, рэпрэсіі звязаныя са справай Гаюна.
«Наша Нiва» — бастыён беларушчыны
ПАДТРЫМАЦЬЦяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары