U Mazyry za palityku asudzili miascovaha pradprymalnika — adnaho ź niešmatlikich ułaśnikaŭ elektramabila ŭ horadzie
Dźmitryj Karniejčyk bolš za 15 hadoŭ zajmaŭsia biznesam u Mazyry — ad prodažu kancylarskich tavaraŭ da ŭłasnaj fotastudyi. Niadaŭna stała viadoma, što Dźmitryja adpravili za kraty pavodle palityčnaha artykuła.
Dźmitryju Karniejčyku z Mazyra 43 hady. U 1999 hodzie skončyŭ miascovuju škołu №9, a paśla pastupiŭ u Mazyrski dziaržaŭny piedahahičny ŭniviersitet (MDPU). U 2004 hodzie Dźmitryj atrymaŭ dypłom fizika-matematyčnaha fakulteta pa śpiecyjalnaści «Matematyka i infarmatyka».
Paśla adpracoŭki Dźmitryj abraŭ śfieru handlu i pasłuh: užo z 2007 hoda jon pracavaŭ u kampanii «Afiston», viadomym pastaŭščyku tavaraŭ dla ofisaŭ.
Ułasnuju spravu Karniejčyk pačaŭ u 2009 hodzie. Raniej jon vałodaŭ punktam «Fotaluks», a apošnija hady raźvivaŭ fotasałon «Kropka» («Točka»), raźmieščany ŭ mazyrskim handlovym centry «Global Market».
Dźmitryj Karniejčyk adnym ź pieršych u Mazyry pierasieŭ na elektramabil Nissan Leaf i aktyŭna prasoŭvaŭ ideju zialonaha transpartu.
U intervju rajonnaj haziecie ŭ 2023 hodzie Karniejčyk adznačaŭ pieravahi elektrakaraŭ: raskazvaŭ, što tracić na zaradku ŭsiaho 60 rubloŭ u miesiac zamiest 700 rubloŭ na bienzin, i dzialiŭsia łajfchakami, jak dajechać z Mazyra da Minska na adnoj batarei.
Mužčynu aryštavali bolš za paŭhoda tamu. Homielski abłasny sud pryznaŭ jaho vinavatym pavodle častak 1 i 2 artykuła 361‑4 KK — «Sadziejničańnie ekstremisckaj dziejnaści». Hety artykuł ciapier časta ŭžyvajuć suprać tych, chto dasyłaŭ fota ci videa pieramiaščeńnia techniki ŭ manitorynhavy prajekt «Biełaruski Hajun».
Dakładny termin nieviadomy. Pa źviestkach «Viasny», Dźmitryj Karniejčyk užo adbyvaje pakarańnie ŭ kałonii.
«Naša Niva» — bastyjon biełaruščyny
PADTRYMAĆChto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
Kali ŭsie jany ličać sapraŭdnym narodam (etnasam) tolki karnikaŭ, a "vorahami naroda" (etnasu) - zmaharoŭ z karnikami i akupantami, biełarusaŭ, achviar hetych karnikaŭ.