«Šaptuna Pucina Łukašenku padviali ci to «starejšyja braty», ci to ŭłasnaja intuicyja»
Analityk Alaksandr Frydman prakamientavaŭ situacyju vakoł nibyta ataki dronaŭ na rezidencyju Pucina i «insajdara z Kramla» Łukašenki.
Raniej Rasija abvinavaciła Ukrainu ŭ atacy na rezidencyju Pucina ŭ Naŭharodskaj vobłaści ŭnočy 29 śniežnia. Ale nie tolki Ukraina abvierhła hetyja zajavy. CRU nie znajšło nijakich dokazaŭ, što Ukraina celiła ŭ Pucina ci ŭ jaho rezidencyju padčas svajho ŭdaru dronami. A Donald Tramp zarepościŭ artykuł «Pustasłoŭje Pucina pra «ŭdar» pa im pakazvaje, što mienavita Rasija staić na pieraškodzie miru».
Analityk Alaksandr Frydman razvažaje z hetaj nahody:
«U Kramli, padobna, stali achviaraj ułasnaj samaŭpeŭnienaści i praličylisia z tannaj i vielmi tapornaj pravakacyjaj. Pahladzim, jak ciapier paviadzie siabie Tramp, jaki i sam nie suprać zmanić ci prychłusić, ale vidavočna nie ŭ zachapleńni, kali jaho trymajuć za idyjota. Dla Trampa heta svojeasablivy momant Buša-małodšaha, jaki taksama na praciahu peŭnaha času i całkam ščyra chacieŭ vieryć «darahomu Uładzimiru», jaki biessaromna iłhaŭ jamu prosta ŭ vočy. Mahčyma, pieršym dośviedam 2026 hoda dla rasijskich kiraŭnikoŭ stanie spaznańnie sensu prykazki «dobra śmiajecca toj, chto śmiajecca apošnim»: prychilnikam bolš žorstkaha kursu ŭ dačynieńni da Rasii ŭ administracyi Trampa (Marka Rubia), Ukrainie i jaje jeŭrapiejskim partnioram zaraz pradstaŭlajecca dobry šaniec pieraciahnuć koŭdru na siabie».
Frydman praciahvaje:
«Cikavaja ŭ hetaj suviazi i historyja «šaptuna Pucina» Łukašenki, jaki kinuŭsia na abaronu rasijskaha prezidenta i pasprabavaŭ znoŭ vystupić u roli insajdara z Kramla. Jaho padviali — ci to ŭłasnaja intuicyja, ci to «starejšyja braty» z Maskvy. Dadatkovych bałaŭ na amierykanskim kirunku jon učora nie zarabiŭ: časam lepš maŭčać, čym havaryć. Asabliva ŭ vypadku «kazak vałdajskaha lesu».
Łukašenka nazvaŭ ataku dronaŭ nibyta na rezidencyju Pucina «najdzičejšym teraryzmam na samym vysokim dziaržaŭnym uzroŭni».
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva35
Kamientary