Načalnik Hałoŭnaha ŭpraŭleńnia raźviedki Minabarony Ukrainy pierajšoŭ na cyvilnuju pasadu.
Načalnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ uznačaliŭ Ofis prezidenta Ukrainy.
Papiaredni kiraŭnik Ofisa Andrej Jarmak byŭ zvolnieny paśla karupcyjnaha skandału.
«Sustreŭsia z Kiryłam Budanavym i prapanavaŭ jamu pasadu kiraŭnika Ofisa prezidenta Ukrainy. Zaraz Ukrainie treba bolš uvahi nadavać pytańniam biaśpieki, raźvićciu Sił abarony i biaśpieki Ukrainy, a taksama dypłamatyčnamu treku ŭ pieramovach, i Ofis prezidenta budzie słužyć vykanańniu najpierš takich zadač našaj dziaržavy. Kirył maje asablivy dośvied u hetych śfierach i dastatkovyja siły dla dasiahnieńnia vynikaŭ. Taksama daručyŭ novamu kiraŭniku Ofisa prezidenta sumiesna z sakratarom Rady nacyjanalnaj biaśpieki i abarony Ukrainy i inšymi nieabchodnymi kiraŭnikami i ŭstanovami abnavić i pradstavić na zaćviardžeńnie stratehičnyja asnovy abarony i raźvićcia našaj dziaržavy i dalejšyja kroki», — napisaŭ u svaim telehram-kanale Uładzimir Zialenski.
Kiryła Budanaŭ naradziŭsia ŭ 1986 hodzie ŭ Kijevie. Skončyŭ Adeski instytut Suchaputnych vojsk (2007), paśla čaho pačaŭ słužyć u atradzie śpiecpryznačeńnia Hałoŭnaha ŭpraŭleńnia raźviedki Ministerstva abarony Ukrainy, dzie zajmaŭ roznyja pasady. Ź viasny 2014 hoda braŭ udzieł va ŭzbrojenym kanflikcie na ŭschodzie Ukrainy. Mieŭ bajavyja ranieńni.
5 žniŭnia 2020 hoda prezident Ukrainy Uładzimir Zialenski pryznačyŭ pałkoŭnika Budanava načalnikam Hałoŭnaha ŭpraŭleńnia raźviedki Minabarony Ukrainy. 3 krasavika 2022 hoda prysvojeny vajskovy ranh hienierał-major.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
)))