Nadrukavali knihu ŭ Rasii.
Upieršyniu tvor byŭ nadrukavany ŭ biełaruskim maładziožnym časopisie «Maładość», na ruskaj movie praz hod — u časopisie «Novyj mir». U 1960-ja i paźniej, u 1970-ja, hady apovieść nie adnojčy, miakka kažučy, «prapracoŭvali», nahadvaje «Źviazda».
Niepryniaćcie aficyjnaj krytykaj i idejałahičnym načalstvam było źviazana z vostraj pastanoŭkaj pytańnia čałaviečaha vybaru, praŭdzivaha adlustravańnia składanych, jak hieraičnych, tak u adnačaśsie i dramatyčnych padziej. I ŭsio ž «Miortvym nie balić» — apovieść, jakaja ŭžo bolej paŭvieka chvaluje čytača, niepakoić śviadomaść, prymušaje dumać, prymušaje šukać jak mastackuju, tak i žyćciovuju praŭdu.
Čarhovaje vydańnie «Miortvym nie balić» ažyćciaviła minskaje vydaviectva «Popurri». Tyraž — 2500 ekzemplaraŭ. Addrukavana kniha ŭ Pieršaj uzornaj drukarni» u Rasii, dakładniej — u jaje filijale «Čechaŭski Drukavany Dvor».
Afarmleńnie vokładki, daścipnaje i razam z tym chvalujučaje, emacyjna pryciahalnaje, naležyć Anatolu Łazaru.
Nabyć knihu Vasila Bykava «Miortvym nie balić» možna ŭ kniharniach AAT «Biełkniha» pa ŭsioj krainie, a taksama — u Minsku ŭ kniharni «Akademkniha» pa adrasie: praśpiekt Niezaležnaści, 72.
Kamientary
Pieršyja choć žłuktanuli z taho žbanka, a druhije ad lubovi da hiermesava złodziejskaha mastactva.