EPAM kuplaje kansałtynhavuju kampaniju, jakaja pracuje z 20 najbujniejšymi suśvietnymi bankami
EPAM zajaviŭ pra kuplu kansałtynhavaj kampanii First Derivative, jakaja śpiecyjalizujecca na akazańni inžyniernych, techničnych i biznes-pasłuh finansavym ustanovam, uklučajučy 20 najbujniejšych suśvietnych bankaŭ, piša Devby.io.
Štab-kvatera kampanii znachodzicca ŭ Paŭnočnaj Irłandyi, a štat naličvaje bolš za 1800 supracoŭnikaŭ. Kampanija ŭ asnoŭnym pracuje ŭ Vialikabrytanii, Irłandyi, Paŭnočnaj Amierycy i Azijacka-Cichaakijanskim rehijonie.
«My radyja pašyryć naš partfiel finansavych pasłuh i dyviersifikavać našu hłabalnuju prysutnaść u klučavych rehijonach dziakujučy hłybokamu vopytu First Derivative ŭ halinie rynkaŭ kapitału, bankaŭskich apieracyj i absłuhoŭvańnia aktyvaŭ», — prakamientavaŭ pahadnieńnie ab kupli prezident hłabalnaha biznesu EPAM Bałaž Fieješ.
First Derivative źjaŭlajecca padraździaleńniem technałahičnaj kampanii FD Technologies, akcyi jakoj kacirujucca na alternatyŭnym inviestycyjnym rynku (AIM) pry Łondanskaj fondavaj biržy.
U FD Technologies zajavili, što suma ździełki składzie 230 miljonaŭ funtaŭ sterlinhaŭ (blizu 300 młn dalaraŭ). Jaje płanujecca zakryć da kanca hetaha hoda.
Heta ŭžo druhaja padobnaja ździełka EPAM biahučaj vosieńniu. U pačatku vieraśnia stała viadoma, što EPAM kuplaje amierykanskuju kansałtynhavuju kampaniju Neoris za 630 młn dalaraŭ. Abiedźvie pakupki abyducca kampanii amal u 1 miljard dalaraŭ.
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary