U Turcyi vykryli bujnoje machlarstva z zamiežnymi turystami. Ich voziać pa słavutaściach, jakich nie isnuje
Jak paviedamlaje tureckaja presa, niekatoryja turfirmy ŭ rehijonie Kapadokija arhanizujuć ekskursii ŭ niaisnyja słavutaści, vydajučy ich za znakamityja łakacyi, a taksama demanstrujuć im muziei, jakija nasamreč nie isnujuć.
Rehijanalnyja hidy praviali ŭłasnaje rasśledavańnie i vyjavili, što niekatoryja turfirmy prapanujuć ekskursii pa značna zanižanych cenach, što vyklikała padazreńni.
«Niekatoryja hidy advoziać zamiežnych turystaŭ u miescy niedaloka ad Ichłary, śćviardžajučy, što heta Hieremie — znakamity horad, raźmieščany kala ŭvachodu ŭ adnajmiennuju dalinu, viadomy svaimi piačornymi chramami vizantyjskaha času. Pry hetym jany raskazvajuć pra historyju i kulturu rehijonu. U asobnych vypadkach turystaŭ navat voziać na składy dla limonaŭ, vydajučy ich za padziemnyja harady, abo pakazvajuć viaskovyja damy ŭ Čardaku», — paviedamlaje miascovaja asacyjacyja hidaŭ.
ŚMI adznačajuć, što mnohija zamiežnyja turysty nie padazrajuć pra padmienu, bo nie znajomyja ź miascovaściu. Kali turyst akazvajecca daśviedčanym, jamu paviedamlajuć, što ŭ sapraŭdnych słavutaściach iduć ramontnyja raboty.
Hidy padkreślili, što inšaziemcy, jakija prajechali tysiačy kiłamietraŭ, kab ubačyć pryhažości Kapadokii, viartajucca rasčaravanymi i nie padazrajuć, što stali achviarami padmanu. Heta nie tolki padryvaje imidž Turcyi, ale i viadzie da značnych strat u dachodach ad turyzmu.
Hidy patrabujuć vyjaŭleńnia ašukanskich ahienctvaŭ i prymianieńnia da ich nieabchodnych sankcyj.
Staražytnyja krepaści, dzivosnyja hruzaviki i čajnyja bary. Biełarusy raskazali, jak možna adpačyvać u Pakistanie
Kolkaść biełaruskich turystaŭ u Turcyi vyrasła na tracinu, ale ŭ ahulnaj statystycy ich dola mizernaja
«Usie dzivilisia, jak my znajšli takija ceny». Dziasiatki biełarusaŭ kupili tannyja tury, ale da mora nie dajechali
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary