Hramadstva66

«Usie dzivilisia, jak my znajšli takija ceny». Dziasiatki biełarusaŭ kupili tannyja tury, ale da mora nie dajechali

Volha i jaje blizkija zapłacili za pucioŭki na mory 45 tys. rubloŭ, Darja — 16 tys. Kali jany płanavali pajezdku, na rynku takich cenaŭ nie było, ale heta turystaŭ nie naściarožyła, bo byŭ dobry vopyt papiarednich pajezdak i rekamiendacyi inšych ludziej. Ale hetym razam niešta pajšło nie tak, i dziasiatki turystaŭ śćviardžajuć, što napisali zajavy ŭ milicyju, piša «Anłajnier».

Fota ilustracyjnaje

«Dumali, što inšyja turahienty nie chočuć davać źnižki»

Volha paznajomiłasia z Hannaj u vieraśni 2023 hoda. Dziaŭčyna padbirała tur u Antallu ŭ instahramie, tady pry dapamozie Hanny znajšoŭsia hatel «za vielmi vyhadnuju canu». Potym była jašče adna pajezdka ŭ AAE.

Fota ilustracyjnaje

— My vybrali kłasny piacizorkavy hatel, i ŭsie dzivilisia, jak nam zrabili takuju canu. Ale my dumali, što heta naš pravierany turahient, u nas vialikaja kampanija, tamu ŭsio łahična, nam zrabili źnižku. Roźnica ŭ paraŭnańni ź inšymi prapanovami była značnaja: źnižka dla siamji skłała prykładna tysiaču jeŭra.

— Jakija ceny byli ŭ inšych?

«Potym vyśvietliłasia, što heta zajaŭka ŭ asabistym kabiniecie adnaho z turapierataraŭ. Jaje stvaraje turahient, ale kali tur nie apłačvajecca, to praz sutki jana anulujecca. Na hetym skrynšocie nijakich paćviardžeńniaŭ braniravańnia i apłaty niama».

Turapieratar, u asabistym kabiniecie jakoha stvarałasia hetaja zajaŭka, paćvierdziŭ Volzie, što 17 sakavika na proźviščy niekalkich turystaŭ sapraŭdy stvaralisia broni, ale na praciahu 24 hadzin ich pavinny byli «adpravić u pracu», kab sistema nie anulavała ich aŭtamatyčna. Hetaha nie adbyłosia, a značyć, miescy za imi nie zareziervavalisia.

«Ja šmat razoŭ pytałasia, ci apłačany tur i chto turapieratar. Sama pisała ŭ turecki hatel, ale tam ničoha nie adkazali. Mnie nazyvali tureckuju firmu, ja patrabavała nazvać biełaruskaha turapieratara. Na ŭsie maje piarečańni atrymlivała adkaz: «Volha, vy ničoha nie razumiejecie, ja šmat hadoŭ u biznesie». Ja pieradavała hrošy za strachoŭku ad niavyletu — jaje ja ŭ vyniku taksama nie ŭbačyła.

Kali stała zrazumieła, što pajezdka nie adbudziecca, nakolki viadoma, Hanna prapanavała napisać zajavu na viartańnie hrošaj. Ale Volha nastojvała na tym, što choča palacieć u adpačynak.

Infarmacyi pra turahienctva nie było ŭ rejestry subjektaŭ turystyčnaj dziejnaści, ale na heta Hanna adkazała, što «danyja jašče nie abnoŭlenyja» (na momant publikacyi danych pra IP u rejestry nie znojdziena).

«Jość hrupy ŭ Telegram, dzie 18 i 40 turystaŭ, jakija kuplali ŭ Hanny tury i nie mohuć palacieć. My dumajem, što takich ludziej moža być jašče bolš».

«30% apłaty za tur unieśli inšyja ludzi»

«U vyniku jana skazała, što z našym turam uźnikli prablemy i treba zrušyć daty. Prapanavała 16 vieraśnia, kali adpačynak užo skončycca. Ciapier jana dała nam harantyjny list, što vypłacić hrošy da 16 vieraśnia. Ale ja viedaju, što ŭ mnohich turystaŭ jość prablemy, i nie chaču, kab mnie płacili hrašyma inšych ludziej, jakija zastanucca biez adpačynku».

«My źviaralisia ź inšymi turkampanijami. My zapłacili $3800, a kali zapaŭniali zajaŭki ŭ inšych turahienctvach, nam prapanoŭvali za $4300 — hruba kažučy, $500 roźnicy. My braniravali za dva miesiacy i paličyli, što takoje moža być. Heta nie taja situacyja, što tur kaštuje $5000, a jana pradaje za $2000».

Darja ź siamjoj 14 vieraśnia pavinna vylecieć ź Minska ŭ Maskvu, a adtul — na Šry-Łanku.

«Ja pačała praviarać broni na samaloty i ŭ hateli, ale ničoha nie było. Potym jana skazała: «Mianie padstavili, heta nie telefonnaja razmova».

— Vas nie źbiantežyŭ padazrona tanny tur?

Žurnalisty sprabavali źviazacca z Hannaj pa numary, jaki jana pakidała turystam, ale słuchaŭku jana nie padniała, na paviedamleńnie ŭ miesiendžary taksama nie adkazała.

Juryst: «Infarmacyja pra turahientaŭ pavinna być u rejestry»

Jak budzie raźvivacca situacyja dla turystaŭ dalej, zaležyć ad taho, vyznačać u dziejańniach turahienta skład złačynstva ci kanflikt zastaniecca ŭ ramkach hramadzianska-pravavych adnosin.

«Pry zvarocie ŭ sud varta ŭličvać asablivaści zaklučanaha dahavora, ź jakoha moža vyciakać abaviazak zachavańnia pretenzijnaha paradku. U zaležnaści ad ustanoŭlenych abstavin, a taksama statusu asoby, jakaja akazvała turystyčnyja pasłuhi (turahient albo fizasoba), budzie vyniesiena adpaviednaje rašeńnie», — tłumačyć jurystka Julija Jemialjanava.

«Damova akazańnia turpasłuh zaklučajecca pamiž zakazčykam i vykanaŭcam u adpaviednaści z zaćvierdžanaj typavoj formaj damovy, vyklučać asobnyja pałažeńni jakoj nie dapuskajecca», — udakładniaje juryst.

Ci možna niejak zaścierahčy siabie?

  • Lepš źviartacca ŭ pravieranyja kampanii, uvažliva stavicca da vielmi tannych turaŭ.
  • Varta pravieryć damovu, jakuju prapanujecca padpisać.
  • Znoŭ ža z 1 studzienia jość novaje praviła: turysty zaklučajuć damovu niepasredna z turapierataram (vykanaŭcam), a ahienctva pracuje jak pasiarednik.
  • Apłata — praz bank abo kasu turahienta, hrošy na niečuju kartu lepš nie pieravodzić.
  • Kali jość sumnievy, ci aformiŭ turahient broń, možna ŭdakładnić heta ŭ turapieratara.

Kamientary6

  • ???
    05.09.2024
    >Volha i jaje blizkija zapłacili za pucioŭki na mory 45 tys. rubloŭ, Darja — 16 tys

    14,500 $ i 5,100 $ -- eto čto za astronomičieskije summy na otdych? Ili tam tak mnoho 'blizkich'?
  • .
    06.09.2024
    Tam jašče napisana, što heta tannyja tury, i što na rynku takich koštaŭ nie byvaje.
    Redakcyja anłajniera (i NN za joj) vidavočna žadaje nas prynizić.
  • .
    06.09.2024
    [Red. vydalena]

Ciapier čytajuć

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Usie naviny →
Usie naviny

Kamandujučym siłami NATO ŭ Jeŭropie moža stać naščadak biełaruskich imihrantaŭ u ZŠA10

Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska

Vyjšaŭ «Liła i Ścič» — na dziva kranalny film, jaki vybiŭsia ŭ top pa zborach u prakacie

Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?3

Aktyvisty Greenpeace u Paryžy skrali z muzieja vaskovuju fihuru Makrona i prynieśli jaje da pasolstva Rasii1

Ukraina pačała vytvorčaść dronaŭ-pierachopnikaŭ dla zmahańnia z šachiedami1

Donald Tusk źvierniecca da Siejma z prośbaj pra votum davieru dla ŭrada

Zianon Paźniak adpraviŭ sardečnyja vinšavańni Karalu Naŭrockamu57

Uładzimir Ceśler pa-mastacku adreahavaŭ na bulbiany deficyt u Biełarusi

bolš čytanych navin
bolš łajkanych navin

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić