Ministr zamiežnych spraŭ Izraila Israel Kac abviaściŭ hienieralnaha sakratara AAN Antoniu Huteryša piersonaj non hrata i zabaraniŭ jamu ŭjezd u krainu.
«Toj, chto nie moža adnaznačna asudzić žudasny napad Irana na Izrail, jak heta zrabili amal usie krainy śvietu, nie zasłuhoŭvaje stupać na izrailskuju ziamlu», — zajaviŭ Kac.
Napiaredadni Iran vypuściŭ bolš za 180 balistyčnych rakiet pa Izrailu na fonie eskałacyi kanfliktu pamiž livanskaj šyickaj hrupoŭkaj «Chiezbała», jakuju padtrymlivaje Iran, i Izrailem.
Huteryš u aŭtorak vystupiŭ z karotkaj zajavaj, u jakoj zhadaŭ tolki «apošnija ataki na Blizkim Uschodzie» i asudziŭ «pašyreńnie blizkaŭschodniaha kanfliktu ź jaho čarhovaj eskałacyjaj». Raniej u aŭtorak Izrail adpraviŭ vojski na poŭdzień Livana.
«Izrail praciahnie abaraniać svaich hramadzian i adstojvać svaju nacyjanalnuju hodnaść, z Antoniu Huteryšam ci bieź jaho», — zajaviŭ Israel Kac.
Paśla taho Antoniu Huteryš na pasiadžeńni Rady Biaśpieki AAN asudziŭ ataku Irana suprać Izraila bolš rašuča. Jon skazaŭ, što «śmiarotny cykł hvałtu pa pryncypie «voka za voka» pavinien spynicca». Pavodle jaho słoŭ, takija dziejańni Irana nie źmianšajuć pakut paleścinskaha naroda.
Armija Izraila viadzie žorstkija bai na poŭdni Livana
«Chaj vymiatajucca». Viarchoŭny lidar Irana zajaviŭ, što Zachad nie pavinien umiešvacca ŭ spravy Blizkaha Uschodu
«Iran zrabiŭ vialikuju pamyłku i zapłacić za jaje». Izrail pahražaje adkazam na ŭdary Tehierana pa svajoj terytoryi
Padčas iranskaj rakietnaj ataki pa Izraili zahinuŭ adzin paleściniec i paciarpieli dvoje izrailcian
Pierad iranskaj rakietnaj atakaj u Tel-Avivie adbyŭsia terakt
Iran zapuściŭ 180 balistyčnych rakiet pa Izraili. Ich iznoŭ paščoŭkali
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Narešcie siońniašnija dziejańni Izraila - heta najlepšy prykład taho, jak treba stvarać paviestku, a nie reahavać na niejkija źniešnija faktary.
Da taho ž AAN stała nastolki bieskarysnaj strukturaj, nakolki bieschrybietnyja i vartyja žalu ludzi stali uznačalvać hetuju arhanizacyju.
Spadziajusia, vy pahodziciesia, što čas, praciahłaść, źmiest i ŭsio navokał našych z Tocham zabavak - našaja ź im sprava?! I pieški jon kłypaje ŭ hości, z parašutam skača da mianie ci praz komin santaklaŭsam taksama.
Nu a tut niejki pustkanačalnik ŭzłavaŭ na majho... blizkaha siabra Tochu, i zabaraniŭ tamu mianie naviedać, bo tocha nie z taje ruki niedzie tam zihanuŭ.
Acanicie, kali łaska, spraviadlivaść i niezłačynnaść pašpartna-vizavaje systemy, kali na ŭzajemadziejańnia pamiž dvuma kantrahientami tre pytacca dazvołu ŭ hvałtoŭnaha arbitra.
Dziakuj.