Ryžankoŭ raskazaŭ, što ŭ Biełaruś ź Jeŭropy biahuć dziasiatki tysiač ukraincaŭ
Ministr zamiežnych spraŭ Biełarusi Maksim Ryžankoŭ u AAN zajaviŭ, što ŭ Biełaruś ź Jeŭropy biahuć dziasiatki tysiač ukraincaŭ. Pavodle jaho słoŭ, heta ličba ŭ razy bolšaja, čym kolkaść biežancaŭ u Jeŭropu.
«Tolki praz našu hranicu ź ES z momantu pačatku kanfliktu ŭ Biełaruś pieramiaściłasia bolš za 250 tysiač ukraincaŭ. Apošnim časam — 12-15 tysiač u miesiac. Heta aficyjnyja ličby pahransłužby. Voś tak z «paśpiachovaj Jeŭropy» siońnia biahuć. Biahuć vidavočna nie da «ahresara». Darečy, heta kolkaść u razy bolšaja, čym kolkaść biežancaŭ praz našu hranicu ŭ ES», — zajaviŭ Ryžankoŭ.
U vajnie jon abvinavaciŭ nie Rasiju, a Zachad i całkam mižnarodnuju supolnaść, a taksama papraknuŭ Ukrainu, što taja nie zdajecca.
«Mocnaja arhanizacyja [AAN] nie dazvoliła b, kab na karyść transnacyjanalnamu kapitału i ŭ intaresach kalektyŭnaha Zachadu Ukraina vajavała siońnia da «apošniaha ŭkrainca». I kali b usie, jak susiedniaja Biełaruś, razumieli, što realna adbyvajecca ŭ zonie kanfliktu i čym heta pahražaje, i sapraŭdy chacieli b spynić kryvavaje procistajańnie dvuch braterskich narodaŭ, to daŭno b Ukraina była z Rasijaj nie na poli boju, a za stałom mirnych pierahavoraŭ. U hetym kantekście vielmi svoječasovy inicyjatyvy, padobnyja da brazilska-kitajskaha mirnaha płana. Adnak biez udziełu Rasii nivodny prajekt pośpiechu mieć nie budzie. Novaj architektury biaśpieki ŭ našym rehijonie nie moža być i biez udziełu Biełarusi», — pieradaje jaho słovy BiełTA.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6363
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie63
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary