Turbuješsia za busłoŭ, jakija nie adlacieli? Voś jak im možna dapamahčy
Zvyčajna ŭ kancy žniŭnia biełyja i čornyja busły ŭžo pakidajuć Biełaruś. Zastajecca tolki nievialikaja častka biełych busłoŭ — poźnich maładych, chvorych albo pryručanych čałaviekam. Ci treba im dapamahać? Zaležyć ad abstavin, piša telehram-kanał «Dzikaja pryroda pobač».
Pieršy vypadak — małady busieł, jaki pryjšoŭ u viosku i słaby ŭ palocie.
Heta maładaja ptuška poźniaj hadoŭli, jakaja jašče drenna lotaje, ale moža pieralatać na značnyja adlehłaści.
Takich maładych busłoŭ lepiej pierapravić na łuh, dzie ŭ ich jość mahčymaść palavać i spaznavać žyćcio samastojna. Za imi lepiej nazirać i tolki pry nieabchodnaści adłavić, kab pieradać u prytułak (Hrodzienski zaapark, pryvatnaja pryrodaachoŭnaja ŭstanova «Achova pryrody» ŭ Asipovickim rajonie i Centr dapamohi dzikim žyviołam «Siryn» pad Minskam. Kantakty možna znajści ŭ internecie).
Druhi vypadak — ptuška ŭ centry horada, jakuju padkarmili ludzi kala kramy.
Ptuška, jakuju, vierahodna, vyraścili ludzi i navučyli brać ježu z ruk. Karmić takoha busła nie treba. Kali jaho padkormlivać, jon budzie zastavacca na miescy i nie budzie vučycca palavać, nie kažučy ŭžo pra toje, kab pačać pieramiaščacca i mihravać. Hetkija vypadki časta zakančvajucca najezdam mašyny abo niaščasnym vypadkam, kali busieł celić u voka čałavieku (naprykład, dziciaci), jaki padychodzić zanadta blizka.
Kali karmleńnie spynić, heta prymusić busła samastojna šukać ježu i ruchacca. Pakul jašče ciopła, u busła jość šaniec usio ž rušyć da miescaŭ zimoŭki.
Treci vypadak — busieł traŭmavany.
Takoha busła treba pakazać vieterynaru (hladzi pamiatku pa dapamozie paranienaj ptušcy).
Z pryrodaachoŭnaj pazicyi biełamu busłu jak vidu zaraz ničoha nie pahražaje. Štohadovaja hibiel sotniaŭ hetych ptušak ad naturalnych pryčyn nie moža niejak pahoršyć stanovišča vidu. I tamu z pryrodaachoŭnaj pazicyi dapamahać treba hałoŭnym čynam ptuškam, jakija paciarpieli praz čałavieka, bo ŭ takim vypadku moža zahinuć i mocny, zdarovy busieł.
Choć z zaaabarončaha punktu hledžańnia, viadoma, škada lubuju ptušku.
Troje biełarusaŭ vyratavali paranienaha čornaha busła
«Akieła pramachnuŭsia». U siecivie zavirusiłasia paciešnaje VIDEA, jak brescki kot palavaŭ na busła
U čornych busłoŭ u Biełarusi stała vyvodzicca bolš ptušaniat. U čym pryčyna?
U Hłybockim rajonie busieł zabłytaŭsia va ŭłasnym hniaździe. Daviałosia vyklikać MNS
Pad Minskam busieł kupaŭsia ŭ voziery razam ź ludźmi VIDEA
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary