Ekśpiert pa nieruchomaści paličyła, kolki treba «nie jeści i nie pić», kab kupić adnapakajoŭku ŭ Minsku
Ekśpiert pa nieruchomaści paličyła, kolki zarobkaŭ treba siaredniestatystyčnamu biełarusu, kab nabyć adnapakajovuju kvateru ŭ Minsku, piša Telegraf.news.
Adnapakajovaja kvatera ŭ minskim piacipaviarchoviku kaštuje kala 150 tysiač rubloŭ. Siaredni zarobak paśla vyliku abaviazkovych padatkaŭ u stalicy — 2670 rubloŭ. Z hetaha vynikaje: kab kupić adnapakajoŭku ŭ Minsku, biełarusu spatrebicca 56,18 zarobka.
«Heta značyć adzinoki čałaviek pavinien 5 hadoŭ nie jeści i nie pić, kab sabrać na adnapakajoŭku. Taki pakazčyk va ŭsim śviecie ličycca dobrym i kaža pra toje, što žyllo ŭ Minsku ŭ pryncypie dastupnaje. Na žal, nie jeści i nie pić — nie varyjant, a značyć, praces nazapašvańnia raściahvajecca na 15 hadoŭ», — padsumavała śpiecyjalist Natalla Litoŭskaja ŭ svaim telehram-kanale.
Kolki treba zarablać, kab kupić kvateru la mietro?
Raniej ekśpiert pa nieruchomaści pakazała na realnym prykładzie, kolki treba zarablać biełarusam, kab kupić adnapakajovuju kvateru ŭ Minsku, dy jašče i pobač ź mietro. Usio pačałosia z pytańnia padpisčyka.
«Samotny čałaviek, nazapašvańniaŭ — 10 tysiač dalaraŭ. Na čarzie nie staić. Chacieŭ by choć jakuju kvateru la mietro. Maŭlaŭ, ruki z pravilnaha miesca, zmahu ŭładkavacca. Jakuju zarpłatu treba mieć, kab vyrašyć hetaje pytańnie?» — apisała ekśpiert prośbu adnaho z padpisčykaŭ dapamahčy z raźlikami nieabchodnaha zarobku dla nabyćcia kvatery ŭ Minsku.
Pavodle jaje słoŭ, pry takim raskładzie kvatery buduć kaštavać niedzie 50 tysiač dalaraŭ. Dla prykładu jana pryviała pradavanaje druhasnaje žyllo z raździelnym sanvuzłom niedaloka ad mietro «Michałova».
«Uvohule, našamu adzinokamu treba dzieści dabrać 40 tysiač dalaraŭ. Abo 128 tysiač rubloŭ. Pa kredyt idziem u dziaržbank. Tam jość kredyt na druhasnaje na 20 hadoŭ pad 15% hadavych. Dachod pavinien być bolšy za 3050 rubloŭ», — adkazała ekśpiert, adnak zrabiła ahavorku, što kredytny kalkulatar nie daje harantyi atrymańnia kredytu.
«Ale davajcie ščyra — kredytny kalkulatar ličyć uprytyk. I ŭ realnaści bank hetuju sumu pry zarpłacie ŭ 3051 rubiel, chutčej za ŭsio, nie daść. Banku treba budzie pakazać choć by 3500 čystymi, i jašče pryvieści paručyciela z vydatnym prybytkam», — padsumavała Natalla Litoŭskaja. Pavodle jaje słoŭ, lepš by kandydatu na kuplu kvatery stajać u čarzie «choć u addalenym ad Minska rajcentry». Bo heta dało b jamu prava na atrymańnie kredytu pad 12,5%. Navat na kuplu žylla ŭ stalicy.
U vyniku mužčyna moh by pretendavać na maksimalny płaciož pa kredycie ŭ rajonie 1869 rubloŭ, a nie 2136. «I zarobku ŭ 3050 rubloŭ chapiła b dla banka (choć paručyciela ŭsio roŭna daviałosia b pryvieści)», — udakładniła Natalla Litoŭskaja.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2020
Kamientary