Vinny huru, aŭtar bestseleraŭ i amierykanski multymiljanier z Babrujska. Chto taki Hary Vajnierčuk?

48-hadovy pradprymalnik Hary Vajnierčuk (pry naradžeńni — Hienadź), bolš viadomy ŭ ZŠA jak Hary Vi (Gary Vee), źjaŭlajecca adnym z samych paśpiachovych amierykanskich multymiljanieraŭ u śfierach ličbavaha markietynhu, videabłohinhu i prodažu vinaŭ.

Biznesmien stvaryŭ svoj kapitał samastojna i na dadzieny momant jaho čysty košt składaje bolš za 200 miljonaŭ dalaraŭ (kala 640 miljonaŭ biełaruskich rubloŭ), piša vydańnie ValueWalk.

Hary Vajnierčuk naradziŭsia ŭ Babrujsku ŭ 1975 hodzie i praz try hady razam ź siamjoj emihravaŭ u Złučanyja Štaty, pieršapačatkova pasialiŭšysia ŭ horadzie Kuins, štat Ńju-Jork, a potym pierajechaŭšy ŭ Edysan, štat Ńju-Džersi. Siamji ź ciažkaściu ŭdavałasia naładzić finansavaje stanovišča, tamu Vajnierčuk z rańnich hadoŭ navučyŭsia šanavać upartuju pracu.

U siaredniaj škole Vajnierčuk pradavaŭ biejsbolnyja kartki pa vychadnych. Paśla skančeńnia škoły chłopiec pastupiŭ u kaledž pa navučańni małomu biznesu ŭ Ńjutanie, štat Masačusets. Mienavita tady jon pačaŭ pracavać u vinnym biznesie svajho baćki Alaksandra Vajnierčuka.

U 1998 hodzie Hary Vajnierčuk atrymaŭ vyšejšuju adukacyju i całkam pryśviaciŭ svoj čas raźvićciu vinnaj kramy baćki. U toj čas internet pačaŭ imkliva evalucyjanavać i Vajnierčuk skarystaŭsia hetym, pierajmienavaŭšy baćkoŭskuju kramu ŭ Wine Library (Vinateka) i pieratvaryŭšy jaje ŭ vinnuju handlovuju anłajn-placoŭku, jakaja stała adnym ź pieršych biznesaŭ elektronnaj kamiercyi ŭ ZŠA. 

Tym samym pradprymalnik pavialičyŭ siamiejny kapitał z 3 da 60 miljonaŭ dalaraŭ prykładna za dziesiać hadoŭ, adznačaje ValueWalk.

Potym Vajnierčuk stvaryŭ ułasny papularny videabłoh Wine Library TV, dzie amal štodzionna dehustavaŭ roznyja viny, pavyšajučy ŭzrovień viedaŭ padpisčykaŭ pra ich i dajučy karysnyja parady pa vybary i pićci napojaŭ.

Pavialičyć

Akramia hetaha, u nastupnyja hady Vajnierčuk stvaryŭ niekalki paśpiachovych technałahičnych kampanij i startapaŭ, takich jak:

• VaynerX — sietka ahienctvaŭ pa ličbavym markietynhu, jakaja apracoŭvaje najbujniejšyja karparacyi śvietu (Johnson and Johnson, PepsiCo, Chase i inšyja).
• Sasha Group — kampanija, jakaja prapanuje brendynhavyja i markietynhavyja pasłuhi dla pradpryjemstvaŭ z prybytkam ad 1 da 100 miljonaŭ dalaraŭ u hod.
• Gallery Media Group — ličbavaje miedyja-ahienctva, jakoje kiruje brendami PureWow i ONE37pm. Hetyja brendy aryjentavany na stvareńnie kantentu pra styl žyćcia, pop-kulturu i pradprymalnictva.
• VCR Group — startap i adnajmienny papularny ŭ ZŠA dadatak dla braniravańnia restaranaŭ. 
• Vayner/RSE — bujny finansavy inkubatar technałahičnych startapaŭ.

Parady Vajnierčuka

Hary Vajnierčuk taksama piša knihi pra dasiahnieńnie finansavaha pośpiechu i manietyzacyju chobi, hruntujučysia na ŭłasnym žyćciovym vopycie. Hazieta The New York Times piać razoŭ unosiła knihi pradprymalnika ŭ śpis bestseleraŭ.

Vydańnie ValueWalk pryvodzić niekalki paradaŭ ad Vajnierčuka dla pradprymalnikaŭ-pačatkoŭcaŭ.

1. Pryncyp: «Davać, davać, davać, davać, a potym prasić». Hetaja mantra i samaja viadomaja fiłasofija Vajnierčuka zaklikaje pradprymalnikaŭ prapanoŭvać svaim klijentam štości karysnaje (kantent, resursy ci inšaje), pierš čym prasić u ich niešta naŭzamien. Vajnierčuk ličyć, što dla stvareńnia bazy łajalnych klijentaŭ treba spačatku addavać, što zrobić vašu nastupnuju prośbu značna bolš efiektyŭnaj.
2. Spačatku dakumientavać, a nie prydumlać. Biznesmien raić pačatkoŭcam u stvareńni kantentu admovicca ad sprobaŭ stvaryć idealny kantent i zamiest hetaha zasiarodzicca na dakumientavańni svajho žyćciovaha šlachu. Vajnierčuk miarkuje, što aŭdytoryja naładžvaje bolš dušeŭnuju i tryvałuju suviaź z tymi, chto nie baicca pakazvać pamyłki ci nieapracavanyja momanty.
3. Nie analizavać zanadta šmat. Sučasny śviet pierapoŭnieny infarmacyjaj, jakaja mnohich moža źbić z pantałyku. Pa słovach Vajnierčuka, z-za hetaj pierapoŭnienaści mnohija pradprymalniki-pačatkoŭcy stanoviacca achviarami praźmiernaha analizu. Biznesmien zaklikaje ludziej stavić u pryjarytet apieratyŭnaść u dziejańniach, a nie traplać u zaležnaść ad biaskoncaha aceńvańnia pierśpiektyŭ i ryzyk.
4. «Lepš siem razoŭ upaści, ale vosiem razoŭ padniacca». Ustojlivaść lažyć u asnovie fiłasofii pośpiechu Vajnierčuka. Jon ličyć, što niaŭdačy niepaźbiežnyja, ale hałoŭnaje — heta padniacca paśla padzieńnia, atrymać uroki sa svaich pamyłak i praciahvać ruchacca napierad.
5. Stvarać asabisty brend. Vajnierčuk nastojliva raić pradprymalnikam stvarać mocnyja asabistyja brendy. Jon ličyć, što stvareńnie asabistaha brenda — heta pieršy krok da pośpiechu ŭ doŭhaterminovaj pierśpiektyvie. Pa słovach Vajnierčuka, hetaja parada tyčycca ŭsich: biźnies-lidaraŭ, sieryjnych pradprymalnikaŭ i tvorčych ludziej.

• 8
• 0
• 2
• 1
• 1
• 0
• 0
• 0