Ekanomika2727

Biełaruś praz 10 hadoŭ — ekśpiert apisvaje dva varyjanty

Ekanamist Dźmitryj Kruk u efiry jutub-pieradačy «Pieratrom z Chalezinym» acaniŭ dabrabyt biełarusaŭ i sprahnazavaŭ, jakoj budzie naša kraina praz 10 hadoŭ.

Dmitryj Kruk Dmitrij Kruk Dmitry Kruk
Dźmitryj Kruk. Skryn videa: freekuhar / YouTube

Nakolki my adstali ad Polščy

Mieć ułasny dom i jeździć adpačyvać u Jeŭropu na svaim aŭtamabili — takaja mara biełarusaŭ ab dabrabycie, na pohlad Dźmitryja Kruka, zastałasia niedzie ŭ 2014 hodzie. Paźniej čakańni źnižalisia. «Ludzi stali pryvykać, što naša mašyna tarmozić, što jana z 2010 hoda amal pierastała jechać pa trasie, pa jakoj uvieś śviet raźvivaŭsia».

Za apošnija dziesiać hadoŭ adbyłosia značnaje razychodžańnie va ŭzroŭni dachodaŭ pamiž biełarusami i, naprykład, palakami. Tak u 2011-2012 hodzie dabrabyt biełarusaŭ składaŭ kala 85% ad polskaha. Siońnia jon bałansuje na miažy 50%.

«Toje, kudy my idziom, ja b nazvaŭ sindromam viečnaha aŭtsajdara. Asabliva ŭ Jeŭropie», — ličyć Kruk.

U papiaredniaje dziesiacihodździe biełarusy adčuvali, što kraina stała raźvivacca. I heta, chutčej za ŭsio, było vynikam zamiaščeńnia ŭ ekanomicy dziaržaŭnaha siektara pryvatnym.

«My adčuli smak svabody, smak žyćcia. Usio bolš ludziej uciahvałasia ŭ hetuju zvyčajnuju dla Jeŭropy praktyku. Ale pa absalutnych mierkach naša ekanomika jak adzinaje cełaje vielmi mocna tarmaziła ŭsie apošnija 15 hadoŭ».

I dalej, na pohlad Kruka, hetaje tarmažeńnie budzie praciahvacca: «Kali hladzieć u prajekcyi da 2030 hoda, zychodziačy z taho, što ŭ nas jość siońnia, my budziem tolki prasiadać, stanavicca ŭsio biadniejšymi adnosna našych susiedziaŭ. I 50% adnosna Polščy za 10 hadoŭ mohuć pieratvarycca ŭ 40%».

Ekanomika Biełarusi praz 10 hadoŭ

Dźmitryj Kruk pradstaviŭ dva varyjanty stanovišča ekanomiki Biełarusi praz 10 hadoŭ.

Dla taho, kab realizavaŭsia pieršy, nieabchodna źmiena ŭłady i chacia b palityčnaja zajava Biełarusi ab namiery ŭstupić u Jeŭrapiejski Sajuz. Apošniaje vielmi istotna dla imidžu krainy. Važnaj pieradumovaj dla rostu ekanomiki budzie admiena sankcyj.

Usio heta ŭ sumie, pa acenkach Kruka, moža dać rost ekanomiki ŭ pieršyja 5-10 hadoŭ na 5-7%. Pa jaho słovach, taki rost dazvalaje padvoić uzrovień dabrabytu nasielnictva.

«Heta hrafik rostu Kitaja apošnich 20 hadoŭ. Jon adziny, chto demanstravaŭ takoha maštabu rost. Ale z ulikam taho, što my šmat upuścili, heta patencyjna mahčyma», — ličyć ekśpiert i prahnazuje, što pry takim scenaryi praz 10 hadoŭ dabrabyt biełarusaŭ składzie 70-75% ad uzroŭniu Polščy.

Kali havaryć pra samy drenny varyjant, to takich, pa słovach Kruka, vielmi šmat.

Bazavym samym horšym varyjantam jon nazyvaje stahnacyju.

«Hadoŭ 15 nazad Siarhiej Čały prydumaŭ vobraz «vialikaja Małdova». Heta była kłasnaja pužałka adnosna taho, što moža być ź Biełaruśsiu, kali jana nie budzie raźvivacca. I hety vobraz realizavaŭsia. Ciapier my pamianialisia miescami. U Małdovie pužajuć Biełaruśsiu. (…) Praz 10 hadoŭ Biełaruś budzie ŭžo zusim u vidavočnym vyhladzie takoj «čornaj aviečkaj» Jeŭropy», — adznačaje Kruk.

Adnak, akcentuje ŭvahu ekanamist, my nie vierniemsia ŭ 1990-ja — hoładu nie budzie. U toj ža čas, jakaść adukacyi i asabliva miedycyny budzie nizkaj, bo daktary praciahnuć źjazdžać.

«My pa ŭzroŭni bazavych pakazčykaŭ, taho ž VUP na dušu nasielnictva možam vyhladać nie tak trahična, ale čałaviek nie zmoža atrymać miedycynskaj dapamohi. I ŭ nas buduć pamirać ad taho, ad čaho lečać u Polščy», — prahnazuje ekanamist.

Što rabić ciapier

Pa słovach Kruka, samaje efiektyŭnaje, što siońnia daje addaču, heta inviestycyi ŭ čałaviečy kapitał. «Inviestujcie ŭ siabie. Nabudźcie skiły, jakija zapatrabavanyja ŭ śviecie. Navat u vypadku drennaha raźvićcia padziej ty budzieš zapatrabavany ŭ inšych krainach. (…)

Siońnia staić pytańnie, jak zabiaśpiečyć svaju kankurentazdolnaść, svoj dabrabyt na doŭhim pramiežku času. Inviestuj u siabie, budź kankurentazdolnym».

Kamientary27

  • Litvin
    23.09.2024
    Praz 10 rokaŭ, našaje dziaržava viernie svaju histaryčnuju samanazvu - Litva!
  • Bienia
    23.09.2024
    Etot prociess davno opisan Švabom - tolko dla opisanija miestnoj modieli možno ispolzovať tiermin "biełarusizacija" vmiesto "patahonizacii". No do etoho biełarusam jeŝio nužno DOŽIŤ.
  • Vilenčuk
    23.09.2024
    Pry prychodzicie da ŭłady sapraŭdy prajeŭrapiejskaj partyi ciaham 3-5 hadoŭ (viadoma, nie babarykancaŭ) Biełaruś moža dałučycca da Jeŭraźviazu raniej, čym Ukraina.

Ciapier čytajuć

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych2

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Usie naviny →
Usie naviny

U DTZ u Ivacevickim rajonie zahinuli dva čałavieki

Hałoŭčanka patłumačyŭ situacyju z dalarami ŭ Biełarusi4

Navukoŭcy zrazumieli, čamu našy viaskovyja babuli žyli daŭžej9

Minčuk chacieŭ pravučyć «chama» ŭ tramvai, ale čamuści ŭdaryŭ kalenam u nos školnicu2

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam45

U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?4

U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč11

Tramp zajaviŭ, što rasčaravany i šakavany dziejańniami Rasii1

Akademikam Rasijskaj akademii navuk abrali «kravasisiu» časoŭ Janukoviča 5

bolš čytanych navin
bolš łajkanych navin

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych2

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Hałoŭnaje
Usie naviny →

Zaŭvaha:

 

 

 

 

Zakryć Paviedamić