Ekanamist Kruk: Da 90% biełaruskaha ekspartu zaviazana na Rasii
Pry hetym ułady pryznajuć, što ŭ apošni hod biełaruskija traktary i chaładzilniki stali mienš zapatrabavanyja ŭ Rasii.
Ekanamist Dźmitryj Kruk ź instytuta BEROC na Forumie biełaruskich pradprymalnikaŭ u Vilni pradstaviŭ ličby taho, nakolki biełaruskaja ekanomika ciapier zaležyć ad Rasii. Pa jaho danych, ciapier da 90% biełaruskaha ekspartu zaviazana na Rasii — da 70% ekspartu idzie prosta ŭ Rasiju, a 20-25% ekspartu vykarystoŭvaje łahistyčnyja mahčymaści Rasii. U toj ža čas Rasija atrymlivaje kala 55% impartu ź Biełarusi.
«Tatalnaje paharšeńnie mahčymaści raźvivacca i rost zaležnaści ad Rasii ź vialikaj da poŭnaj», — tak Kruk charaktaryzuje ciapierašni stan biełaruskaj ekanomiki. I kanstatuje, što biełaruskaja ekanomika ciapier pahłynajecca rasijskaj.
Cikava, što siońnia Łukašenka na naradzie pryznaŭsia, što biełaruskija vytvorcy stračvajuć pazicyi ŭ Rasii pa tradycyjnych tavarach.
«Mnie dakładvajuć, što siońnia ajčynnaja pradukcyja sastupaje anałaham jak pa canie, tak i pa jakaści. Pa canie jašče možna patłumačyć. Ale čamu pa jakaści? Ekspart biełaruskich traktaroŭ u 2023 hodzie skaraciŭsia na 18 pracentaŭ. Dola našych traktaroŭ u rasijskim imparcie źniziłasia da minimalnych za apošniaje dziesiacihodździe 10,5 pracenta, hruzavych aŭtamabilaŭ — da 6 pracentaŭ», — pryvioŭ danyja Łukašenka.
Tyja ž pahroźlivyja tendencyi, pavodle słoŭ palityka, składajucca i na «Atłancie». Abjomy ekspartu chaładzilnikaŭ i marazilnikaŭ, jašče ŭčora zapatrabavanych, skaracilisia amal u dva razy.
«Naša Niva» — bastyjon biełaruščyny
PADTRYMAĆČytajcie taksama:
Łukašenka pryznaŭ, što biełaruskaja pradukcyja sastupaje rasijskaj pa jakaści i canie
Kolki sapraŭdy zarablajuć biełaruskija daktary? Spytali ŭ ich
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary