Prezident Čechii nie vieryć u mahčymaść viartańnia Ukrainaj usich akupavanych terytoryj
Prezident Čechii Petr Pavieł znoŭ zaklikaŭ da «realizmu» ŭ dačynieńni da mahčymaści viartańnia Ukrainaj akupavanych terytoryj. Jon vykazaŭ mierkavańnie, što Ukraina pavinna pryznać vierahodnaść taho, što niekatoryja ź jaje terytoryj mohuć zastacca pad kantrolem Rasii paśla zakančeńnia vajny, piša «Jeŭrapiejskaja praŭda».
U intervju The New York Times prezident Čechii, jaki ŭ 2015-2018 hadach byŭ kiraŭnikom Vajskovaha kamiteta NATA, adznačyŭ, što Ukraina pavinna być «realistyčnaj» adnosna svaich šancaŭ na viartańnie akupavanych terytoryj.
Jon vykazaŭ mierkavańnie, što najbolš vierahodnym vynikam vajny stanie toje, što častka terytoryi Ukrainy zastaniecca pad rasijskaj akupacyjaj na «časovy» pieryjad, jaki moža praciahvacca hadami.
Pavieł taksama padkreśliŭ, što na hety momant nielha kazać ni pra parazu Ukrainy, ni pra parazu Rasii, i, na jahonuju dumku, kaniec vajny budzie dzieści «pasiaredzinie». Jon adznačyŭ, što jość «šerah prykładaŭ» terytoryj, jakija časova ŭtrymlivajucca Rasijaj, choć nie ŭdakładniŭ, jakija mienavita maje na ŭvazie.
Hetaja pazicyja źjaŭlajecca dla prezidenta Čechii paśladoŭnaj. Raniej jon taksama zajaŭlaŭ, što ličyć mahčymym časovy «kampramis» nakont akupavanych terytoryj Ukrainy, kali heta dazvolić spynić vajnu.
Pry hetym Petr Pavieł — adzin z najbolš pierakananych i paśladoŭnych prychilnikaŭ vajskovaj padtrymki Ukrainy ŭsimi mahčymymi sposabami. Mienavita jon staŭ inicyjataram stvareńnia kaalicyi jeŭrapiejskich dziaržaŭ dla zakupki na patreby Ukrainy bojeprypasaŭ u trecich krain.
Prezident Čechii vykazaŭsia pra ŭmovy ŭstupleńnia Ukrainy ŭ NATA
Prezident Čechii prapanavaŭ sposab pačać pieramovy pamiž Ukrainaj i Rasijaj
Prezident Čechii prapanavaŭ Ukrainie addać terytoryi ŭzamien za mir
Prezident Čechii raspavioŭ, kali prysutnaść vojskaŭ NATA va Ukrainie nie budzie parušać mižnarodnyja normy
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Voś cana "kampramisa" z Rasiejaj.
Prymaŭka .