Prezident Čechii raspavioŭ, kali prysutnaść vojskaŭ NATA va Ukrainie nie budzie parušać mižnarodnyja normy
Prezident Čechii Petr Pavieł pierakanany, što vojski NATA mohuć ažyćciaŭlać padtrymku Ukrainy niepasredna na terytoryi krainy. Pavodle słoŭ češskaha prezidenta, nieabchodna dakładna adroźnivać razhortvańnie bajavych vojskaŭ i mahčymaje pryciahnieńnie vojskaŭ da peŭnaj «dapamožnaj» dziejnaści, u jakoj NATA ŭžo maje vopyt, piša «Jeŭrapiejskaja praŭda».
«Varta pamiatać, što paśla anieksii Kryma i akupacyi častki Danbasa, jakaja pa sutnaści była ahresijaj, choć i ŭ značna mienšych maštabach, čym siońnia, na terytoryi Ukrainy dziejničała trenirovačnaja misija NATA, jakaja ŭ svoj čas uklučała bolš za 15 krain i naličvała kala 1000 čałaviek », — nahadaŭ Pavieł.
Jon zaznačyŭ, što z punktu hledžańnia mižnarodnaha prava i Statuta AAN, «ništo nie pieraškadžała b vojskam krain-členaŭ NATA» dapamahać u rabocie va Ukrainie.
Na pytańnie, ci padtrymaŭ by jon pryciahnieńnie vojskaŭ NATA dla niepasrednaj padtrymki Ukrainy na jaje terytoryi, Pavieł adkazaŭ, što nie vyklučaje dyskusii pa hetym pytańni.
«Kali b my mahli damovicca z sajuźnikami, što, naprykład, zamiest taho, kab treniravać ukrainskich sałdat na terytoryi krain-členaŭ NATA i pierakidvać tysiačy vajskoŭcaŭ, skažam, u Polšču ci Čechiju, było b značna łahična pierakinuć niekalki dziasiatkaŭ instruktaraŭ na ŭkrainskuju terytoryju i tam treniravać ukrainskich sałdat », — skazaŭ jon.
Na minułym tydni Pavał na pres-kanfierencyi z prezidentam Francyi Emaniuelem Makronam zajaviŭ, što Jeŭropa nie pavinna abmiažoŭvać svaje mahčymaści dla padtrymki Ukrainy, jakaja zmahajecca suprać rasiejskaj ahresii.
Sam Makron pierad hetym zajaŭlaŭ, što «nielha vyklučać» vierahodnaj adpraŭki zachodnich vojskaŭ va Ukrainu. Paśla jon dadaŭ, što jaho rezanansnyja słovy byli staranna pradumany.
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai7
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8787
Kamientary