Biestsieler Endzi Ŭira «Marsijanin» źjaviŭsia adrazu ŭ troch farmatach — papiarovym, elektronnym i aŭdyja. Tak-tak, toj samy, pavodle jakoha byŭ źniaty film z Metam Dejmanam, što raźlacieŭsia na miljony miemaŭ, piša «Budźma».
Pierakład i vydańnie knihi stalisia mahčymymi dziakujučy supracy Asacyjacyi Biełarusaŭ u Amierycy, vydaviectva «Gutenberg Publisher» i aŭdyjavydaviectva Audiobooks.by. A taksama dziakujučy finansavaj padtrymcy biełarusaŭ i biełarusak ZŠA — Mikity, Juryja, Maryjanny, Kaci i Siarhieja.
Pierakładčyk knihi pažadaŭ zastacca pakul ananimnym, ale padzialiŭsia ŭražańniami:
«Chtości skaža, što «Marsijanin» — nia samaja nieabchodnaja siońnia kniha pa-biełarusku i jość proćma inšych prahramnych i bolš surjoznych tvoraŭ, jakija śpiarša chaciełasia b mieć u pierakładzie, ale, na maju dumku, jakraz takoj litaratury — sučasnaj, pryhodnickaj, papularnaj, dastupnaj i cikavaj šyrokamu kołu čytačoŭ — nam i brakuje. Nia budu chavać, jak pierakładčyk ja atrymaŭ sapraŭdnaje zadavalnieńnie, pracujučy nad hetym tekstam, i, niahledziačy na peŭnyja ciažkaści, mnie samomu da apošniaj staronki było cikava. Tamu spadziajusia, što i čytačy atrymajuć nie mienšaje zadavalnieńnie ad hetaj niejmaviernaj i kranalnaj historyi, jakaja daje nam nadzieju i prykład viery ŭ čałavieka i čałaviectva»
A voś, što kaža pradziusar prajekta, kiraŭnik aŭdyjavydaviectva Audiobooks.by Mikita Biełahłazaŭ:
«Pa-pieršaje, usich vinšuju z vydańniem jašče adnoj knihi pa-biełarusku. Lohkaj, cikavaj fantastyki. Vydańniem hetaj knihi my, Asacyjacyja Biełarusaŭ u Amerycy, płanujem pačać sieryju pierakładaŭ roznych amierykanskich bestseleraŭ na biełaruskuju. Pa knizie na hod-dva. I, spadziajusia, natchnim i inšyja dyjaspary i arhanizacyi»».
Dzie znajści knihu (vydaviectvy źviartajuć uvahu, što ŭsie farmaty knihi ŭ prodažy — u płatnym dostupie)
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary