Pasolstva ZŠA ŭ Biełarusi zreahavała na film ź Jurasiom Ziankovičam
Časovy pavierany ŭ spravach pasolstva ZŠA ŭ Biełarusi Piter Kaŭfman prakamientavaŭ prapahandyscki film ź Jurasiom Ziankovičam. Ziankovič, jaki źjaŭlajecca taksama hramadzianinam ZŠA, źviarnuŭsia da Kamały Charys i Donalda Trampa z prośbaj pasadziejničać jahonamu vyzvaleńniu.
«Ja rašuča asudžaju niedapuščalnaje adlustravańnie biełaruskim režymam zatrymanaha hramadzianina ZŠA ŭ dziaržaŭnych ŚMI ŭ prapahandysckich metach i abviarhaju biespadstaŭnyja zajavy, jakija prahučali ŭ prahramie. Historyja vykarystańnia režymam taktyki prymusu dla vytvorčaści padobnaha kantentu stavić pad sumnieŭ dobraachvotny charaktar udziełu hramadzianina ZŠA», — kaža Piter Kaŭfman.
Pa jaho słovach, Dziaržaŭny departamient nie maje vyšejšaha pryjarytetu, čym biaśpieka hramadzian ZŠA za miažoj, «i my budziem praciahvać vystupać za palapšeńnie stanovišča hetaha zatrymanaha amierykanca».
«Ja paŭtaraju daŭniuju rekamiendacyju ŭrada ZŠA, što hramadzianie ZŠA nie pavinny jeździć u Biełaruś, a tyja, chto znachodzicca ŭ Biełarusi, pavinny nieadkładna źjechać z krainy», — dadaŭ Piter Kaŭfman.
Ciapier čytajuć
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»14
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary