Miehapapularny niamiecki błohier abjeździŭ usiu Jeŭropu i vyznačyŭ svaje samyja lubimyja i nielubimyja krainy
Voś što chłopiec kaža pra Biełaruś.
Papularny 22-hadovy treveł-błohier z Hiermanii Łuka Pfierdmienhies, jaki maje 228 tysiač padpisčykaŭ u instahramie i bolš za 2 miljony ŭ tyktoku, niadaŭna abjeździŭ usie krainy Jeŭropy i ciapier skłaŭ svoj śpis samych lepšych i horšych miescaŭ dla naviedvańnia. Svaim rejtynham błohier padzialiŭsia z brytanskim tabłoidam Daily Mail.
Na dumku Pfierdmienhiesa, lepšymi jeŭrapiejskimi krainami dla naviedvańnia źjaŭlajucca Partuhalija, Kipr, Ispanija, Aŭstryja i Charvatyja. Svoj vybar błohier tłumačyć tym, što ŭ rehijonie Mižziemnamorja, na jahony pohlad, zaŭsiody lepšaje nadvorje, kuchnia i mora. Charvatyja, kaža Łuka, maje vielmi vysoki ŭzrovień plažaŭ, a stalica Partuhalii, Lisabon, źjaŭlajecca jaho lubimym horadam. Najaŭnaść u śpisie Aŭstryi błohier nijak nie patłumačyŭ.
Za vyšejpieraličanymi krainami ŭ rejtynhu błohiera iduć Čarnahoryja, Paŭnočnaja Makiedonija, Słavienija, Estonija, Łatvija, Bałharyja, Rumynija, a taksama Ałbanija, Kosava i Sierbija.
«Heta ŭsio schavanyja žamčužyny Jeŭropy. Čarnahorskaje ŭźbiarežža, naprykład, albo Paŭnočnaja Makiedonija razam ź jejnym Achrydskim vozieram absalutna cudoŭnyja. Paŭnočnamakiedonskaja stalica Skopje prymušaje vas adčuvać siabie jak u muziei.
Słavienija vydatnaja dla pachodaŭ u hory i, biezumoŭna, bolš tannaja alternatyva toj ža Šviejcaryi ci Aŭstryi.
A kali vy chočacie adčuć siaredniaviečnuju atmaśfieru, raju naviedać Talin u Estonii. Heta adna z samych technałahična raźvitych krain śvietu, ale stary horad vyhladaje jak siaredniaviečnaje miastečka. Ja lublu heta. Uražvaje i štodzionny rynak u Ryzie ŭ susiedniaj Łatvii.
Dajcie šaniec i takim miescam, jak Rumynija ci Bałharyja. U ich cudoŭnyja plažy, vydatnyja ludzi, zachaplalnyja harady, smačnaja ježa. Ałbanija, Kosava i Sierbija taksama niedaacenienyja», — raspaviadaje Łuka Pfierdmienhies.
U toj ža čas chłopiec nazvaŭ horšyja krainy dla naviedvańnia i adnym z takich kirunkaŭ nazvaŭ Biełaruś.
«Ja vydatna pravioŭ čas u Minsku, ale heta vielmi ciažkadastupnaja kraina i adzinaja sapraŭdy izalavanaja kraina na kantyniencie. Biełaruś vielmi mocna adroźnivajecca ad bolšaści jeŭrapiejskich krain. Najbolšy kulturny šok, jaki možna atrymać, vandrujučy pa Jeŭropie», — adznačaje trevieł-błohier.
Astatnija krainy z najhoršaj piaciorki, pa viersii chłopca, takija: San-Maryna, Lichtenštejn, Bielhija i Turcyja.
«Da mikradziaržavy San-Maryna vielmi ciažka dabracca, i tam niama čaho rabić. Vy možacie ŭbačyć usio na praciahu niekalkich hadzin. Lichtenštejn vielmi izalavany i darahi, choć heta vydatna, kali vy možacie sabie heta dazvolić. U Bielhii zanadta šera i choładna, a Turcyja vielmi padobnaja da Biełarusi», — padahulniaje błohier.
«Padobna da Polščy 20 hadoŭ tamu». Palaki-błohiery źniali mini-sieryjał z vandroŭki pa Biełarusi — što ździviła?
«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta
Pryhody brytancaŭ u Biełarusi: sprečnyja pradmiety pakinuli ŭ kamiery zachoŭvańnia za miažoj, bajalisia pytańniaŭ pra Borysa Džonsana
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary