Ciapier na kožnym śpiektakli Nacyjanalnaha akademičnaha teatra imia Janki Kupały dadasca jašče adzin hladač, praŭda, virtualny: sam Janka Kupała (Ivan Daminikavič Łucevič), piša «Źviazda».
U teatry ŭ jaho źjaviłasia pastajannaje miesca — toje samaje, na jakim jon pry žyćci lubiŭ siadzieć. Kali pahladzicie na levuju łožu, ubačycie kresła z šyldačkaj i partret kłasika.
«Miesca Janki Kupały» — sumiesny prajekt Kupałaŭskaha teatra i Dziaržaŭnaha litaraturnaha muzieja Janki Kupały, jakija 13 vieraśnia padpisali damovu ab supracoŭnictvie. Data padpisańnia damovy i adkryćcia «Miesca Janki Kupały» vybrana nievypadkova: 104 hady tamu pačaŭ svaju dziejnaść Biełaruski dziaržaŭny teatr, siońniašni Kupałaŭski.
Dyrektar Dziaržaŭnaha litaraturnaha muzieja Janki Kupały Hanna Halinskaja pieradała kiraŭniku teatra list sučaśnicy Ivana Łuceviča Łarysy Hareckaj, u jakim jakraz i zhadvajecca, što Piaśniar zvyčajna siadzieŭ u teatry ŭ levaj łožy, la samoj sceny.
«Miesca Janki Kupały» było ŭračysta adkrytaje jahonym stryječnym unukam — Viktaram Aŭłačynskim. U hety dzień u teatry była prezientavanaja jašče adna navinka — halereja znakamitych kupałaŭcaŭ, stvoranaja pa inicyjatyvie hałoŭnaha mastaka teatra, narodnaha mastaka Biełarusi Barysa Hierłavana. Siarod tych, čyje partrety buduć vitać hledača — Fłaryjan Ždanovič, Jeŭścihniej Mirovič, Stefanija Staniuta, Halina Makarava, Leŭ Litvinaŭ, Valeryj Rajeŭski dy inšyja asoby, što adyhrali vialikuju rolu ŭ stanaŭleńni biełaruskaha teatralnaha mastactva i stvaryli słavu Kupałaŭskaha teatra.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary