Ułady šerahu haradoŭ nie vyklučajuć praviadzieńnia evakuacyi.
Ułady Čechii, Polščy, Słavakii, Aŭstryi i inšych krain Centralnaj Jeŭropy na fonie mocnych daždžoŭ rychtujucca da pavodak, paviedamlaje Radyjo Svaboda.
U Čechii pavyšajecca ŭzrovień vady ŭ rekach. Na ŭschodzie krainy tysiačy damoŭ pazbaŭlenyja elektryčnaści. Čakajecca, što da viečara suboty situacyja ŭskładnicca praz mocny viecier. Sinoptyki prahnazujuć, što jaho paryvy zmohuć dasiahać 100 kiłamietraŭ za hadzinu.
Ułady šerahu haradoŭ nie vyklučajuć praviadzieńnia evakuacyi.
U Brno kiraŭnictva adnoj z balnic, raźmieščanaj u zonie padtapleńnia, pieraviało pacyjentaŭ u inšyja kliniki.
U Prazie vada va Vłtavie dasiahnie najvyšejšaha ŭzroŭniu ŭ noč z suboty na niadzielu. Pavodle acenak, jana padymiecca na 60-80 santymietraŭ.
Pražski zaapark, mocna paciarpieły padčas pavodak 2002 i 2013 hadoŭ, zajaviŭ, što, u vypadku nieabchodnaści, hatovy da evakuacyi žyvioł. Zaapark u vychadnyja začynieny dla naviedvalnikaŭ. Pa słovach dyrektara Mirasłava Bobieka, jość ryzyka padzieńnia dreŭ z-za razmytaj daždžami hleby.
U subotu ranicaj u pražskich rajonach praciahnułasia ŭźviadzieńnie achoŭnych zbudavańniaŭ ad pavodak.
Z poźniaha viečara sierady najbolšaja kolkaść apadkaŭ (kala 100 milimietraŭ) u Čechii vypała na chrybtach Krkanoš i Arlickich hor.
Razam z tym Charčovaja pałata zajaviła, što vytvorčaść praduktaŭ charčavańnia ŭ Čechii nie apyniecca pad pahrozaj u vypadku pavodki.
U Rumynii ŭ Hałackim paviecie ŭ noč na subotu zahinuli čatyry čałavieki. U krainie začynienyja 13 učastkaŭ dziaržaŭnych i miascovych tras. U niekatorych nasielenych punktach vada dasiahnuła troch mietraŭ.
Premjer-ministr Rumynii Marčeł Čołaku płanuje naviedać paciarpiełyja rajony, kab razam ź miascovymi ŭładami acanić nastupstvy pavodak.
U polskim horadzie Urocłavie stvorany kryzisny štab. Pavodle prahnozaŭ sinoptykaŭ, u horadzie moža vypaści 380 milimietraŭ apadkaŭ. Takich vysokich pakazčykaŭ va Urocłavie za historyju nazirańniaŭ nie fiksavali.
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary