Z homielskaj žanočaj kałonii № 4 vyjšła na volu jašče adna palityčnaja źniavolenaja. Raniej paviedamlałasia ab vyzvaleńni z hetaj kałonii naprykancy žniŭnia — pačatku vieraśnia 14 palitźniavolenych-žančyn.
Jašče adna palitźniavolenaja, jakaja vyjšła na volu — Taćciana Lińnik. Jana była asudžana 11 vieraśnia 2023 h. sudom Frunzienskaha rajona Minska da 2 hadoŭ pazbaŭleńnia voli va ŭmovach ahulnaha režymu pa abvinavačvańni pa troch artykułach Kryminalnaha kodeksa: artykuły 368 — abraza prezidenta RB, 369 — abraza pradstaŭnika ŭłady, 391 — abraza sudździ albo narodnaha zasiadaciela, piša Homielskaja viasna.
Taćciana Lińnik vyjšła na volu pa pamiłavańni 20 žniŭnia.
Na siońnia ŭ žanočaj kałonii № 4 u Homieli naličvajecca 108 palitźniavolenych-žančyn. Na terytoryi Homielščyny jašče 3 palitźniavolenyja-žančyny znachodziacca ŭ žanočaj kałonii № 24 u h. p. Zarečča Rečyckaha rajona, i 4 palitźniavolenyja-žančyny — u SIZA № 3 ŭ Homieli.
Kamientary