Adhuknulisia na pryvabnuju prapanovu ab pracy.
Pasolstva Biełarusi ŭ Rymie znachodzicca ŭ pastajannym kantakcie z 10 biełaruskimi hramadzianami, jakija trapili ŭ składanuju žyćciovuju situacyju na terytoryi Italii, paviedamili «Sputniku» ŭ pres-słužbie MZS.
«Ciapier usie jany vyzvalenyja z-pad varty. Pasolstvam akazvajecca nieabchodnaja konsulska-pravavaja dapamoha i robiacca zachady dla chutčejšaha viartańnia biełarusaŭ na radzimu», — udakładnili ŭ zamiežnapalityčnym viedamstvie.
Raniej italjanskaje vydańnie Il Giorno paviedamiła, što padčas rejdu pa byłych składach fiejervierkaŭ na ŭskrainie Miłana była vyjaŭlenaja nielehalnaja cyharetnaja fabryka.
U budynku pravaachoŭniki vyjavili 11 zamiežnych hramadzian. Siarod ich 10 byli biełarusami, jakija adhuknulisia miesiac tamu na abjavu ab pracy z zarobkam u 2,5-3 tysiačy jeŭra.
Paśla taho jak jany roznymi maršrutami byli dastaŭleny pasiarednikami ŭ Italiju, ich pasialili na terytoryi zakinutaha budynka. Terytoryju pakidać im było zabaroniena.
Sudździa papiaredniaha rasśledavańnia vyzvaliŭ zatrymanych, tamu što «jany stali achviarami transnacyjanalnaj złačynnaj arhanizacyi».
Vydańnie kanstatuje, što rabočyja žyli va ŭmovach, jakija prynižajuć hodnaść, a situacyja «miažuje z vykradańniem ludziej».
Kamientary
Nieužieł HTF "Nieman" pomieniała disłokaciju?! I rabov riełocirovała?!Priamo v Miłan,stolicu mirovoj mody?! Nu poviezło žie...!