Cichanoŭski patłumačyŭ, čamu ŭ 2020‑m nie adbyłosia raskołu elit u Biełarusi
«Čynoŭniki i siłaviki čakali niejkaha sihnału. Z Uschodu jon prahučaŭ. A z Zachadu ničoha nie hučała. Atrymałasia, što Maskvie Biełaruś patrebna, a Zachadu — nie».
Padčas strymu na jutub-kanale «Kraina dla žyćcia» Siarhiej Cichanoŭski raskazaŭ, što jaho paprasili pravieści apytańnie «Čamu my prajhrali ŭ 2020-m». Pa słovach błohiera, takaja farmuloŭka nie jahonaja, i sam jon ličyć, što «ŭ 2020-m nidzie ničoha nie prajhraŭ».
Na žal, praz ataku botaŭ vyniki vyhladajuć vielmi skažonymi, asabliva ŭ telehram-kanale.
Adnak Cichanoŭski vyrašyŭ prakamientavać niekatoryja varyjanty adkazaŭ, siarod ich — «nie raskałolisia elity», choć zapyt na pieramieny, «kab byŭ niejki novy kiraŭnik dziaržavy», siarod siłavikoŭ i čynoŭnikaŭ byŭ.
Ab jaho najaŭnaści, pa słovach błohiera, śviedčyć toj fakt, što jak siłaviki, tak i čynoŭniki addavali svaje podpisy za vyłučeńnie Viktary Babaryki, i ŭ vyniku paźniej pazbavilisia pracy.
«I tut važna źviarnuć uvahu voś na što. Kali pačalisia pratesty, Pucin dzień-dva vytrymaŭ paŭzu i potym, jak heta havorycca, čchnuŭ u bok Łukašenki, skazaŭ: «Łukašenka — abrany prezident».
A ciapier źviartaju ŭvahu, što adbyłosia z druhoha boku. Heta na Uschodzie było. A na Zachadzie? A Zachad ničoha nie skazaŭ. Zachad tady maŭčaŭ. U Zachada tady nie było nijakaj stratehii pa Biełarusi.
Kali vy zhadajecie, jašče [dziaržsakratar ZŠA Mark] Pampiea pryjazdžaŭ. (…) Jeŭrapiejcy viali spravy z 2016 hoda z režymam Łukašenki. U ich była svaja historyja. Jany płanavali vieści spravy ź Biełaruśsiu. I jany ich viali. I naš pratest, kolki b vas łukašysty nie zapeŭnivali, heta nie zachodni byŭ pratest. Heta naš z vami byŭ pratest. Prosta my vyjšli za spraviadlivaść.
I voś u Zachadu nie było nijakaj stratehii pa Biełarusi. (…) Čynoŭniki i siłaviki čakali niejkaha adkazu. Jany čakali niejkaha sihnału. Voś z Uschodu jon prahučaŭ. (…) A z Zachadu ničoha nie hučała. I tamu nijakaha raskołu elit nie adbyłosia», —
davodzić Cichanoŭski i adznačaje, što jon u hetym vypadku nie imkniecca pierakłaści adkaznaść na Zachad, a prosta kanstatuje:
«U ich nie było nijakaj stratehii pa Biełarusi. Dla ich heta było niečakanaściu. Jany ŭsie — i amierykancy, i Jeŭrasajuz — upuścili ŭsio heta. Dla ich heta było jak śnieh na hałavu. I raskoł elit u nas nie adbyŭsia tolki tamu, što adtul nie było nijakaj vyraznaj pazicyi. Nie było nijakaj stratehii. I voś tut u nas nie złamałasia».
Cichanoŭski pryvodzić anałohiju:
«Voś jość dva baki ŭ mahnita. Pavinna było razarvać. To-bok, niechta tudy, niechta siudy. A siudy nichto nie paklikaŭ. Ničoha nie prapanavaŭ, nie padtrymaŭ. Jany prosta maŭčali i sprabavali zrazumieć, a što tam, blin, adbyvajecca takoje. Dla ich heta niečakanaść».
Błohier upeŭnieny: «U ich (krain Zachadu — NN) była vybudavanaja adna linija. Jany pa joj išli. Jany nie saryjentavalisia chutka. Jany ŭvohule nas usie prahladzieli. U amierykancaŭ była prahmatyčnaja palityka pracavać z režymam. Pamiatajecie, navat naftu jon nabyvaŭ u amierykancaŭ, niekalki tankieraŭ. (…) Dla Zachadu było prosta niečakanaściu toje, što ŭ nas adbyłosia. Heta ja ŭžo razabraŭsia z vašaj, siabry, dapamohaj.
Jany ciapier kažuć, u nas niejkaj stratehii niama. Ale ŭ ich samich jaje nie było. I jaje niama pa Biełarusi».
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
U Biełarusi DYKTATURA !
Heta treba viedać, kab niešta ciŭkać pra niejkija elity.
nu kaniečnie. i tamu zaraz u Letuvie, a nie ŭ Biełarusi