U stalicy na miescy byłych pramysłovych pradpryjemstvaŭ pabudujuć žyllo
Bolš za 3 młn kv. m žylla płanujecca pabudavać na terytoryjach byłych prampradpryjemstvaŭ u Minsku. Pra heta raskazaŭ staršynia kamiteta architektury i horadabudaŭnictva Minharvykankama Viktar Hućko, paviedamlaje «Minsk-Naviny».
— Pryjarytetnaść raźvićcia śfiery žyllovaha budaŭnictva pa-raniejšamu hruntujecca na nieabchodnaści zabieśpiačeńnia tych, chto maje patrebu ŭ palapšeńni žyllovych umoŭ i čakaje dziaržaŭnaj padtrymki, minčan. A taksama źviazanaja z bolš nizkim siarednim uzroŭniem zabiaśpiečanaści stalicy žyłym fondam u paraŭnańni ź inšymi haradami respubliki, — adznačyŭ Hućko.
Jon padkreśliŭ: abaviazkova budzie praciahvacca ŭźviadzieńnie niekamiercyjnaj žyłoj zabudovy na volnych učastkach z prymalnymi vydatkami na inžyniernaje i transpartnaje zabieśpiačeńnie ŭ rajonach masavaha budaŭnictva. Heta nieabchodna, kab źmienšyć košt kvadrata dla minčan.
— Bolš za 3 młn kv. m ahulnaj płoščy žylla płanujecca pabudavać na byłych pramysłovych terytoryjach avijaramontnaha zavoda, ptuškafabryki imia Krupskaj, elektramiechaničnaha zavoda i inšych. Novyja ŽK vyrastuć i na byłych terytoryjach śpiecyjalnaha pryznačeńnia, naprykład u rajonie vuł. Kabuškina, — skazaŭ staršynia kamiteta architektury i horadabudaŭnictva Minharvykankama. — Čakajem abnaŭleńnia kvartałaŭ siadzibnaj zabudovy, a taksama abnaŭleńnia chruščovak, mikrarajonaŭ 1960—1980-ch hadoŭ zabudovy.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary
Ci hetaje žyllovaje budaŭnictva dla pakistancaŭ?