75-hadovaha dziadulu, jaki ŭ Miadzielskim rajonie pajechaŭ z domu na rovary i prapaŭ, znajšli miortvym
Milicyja i pošukava-vyratavalny atrad «Anioł» šukali 75-hadovaha žychara vioski Zani Michaiła Lacha, jaki viečaram 8 žniŭnia pajechaŭ na rovary sa svajho doma. Jon źbiraŭsia pajechać u viosku Koniki — za 37 kiłamietraŭ ad vioski Zani pa aŭtamabilnaj darozie i za 30 kiłamietraŭ — piešym maršrutam, jaki možna pieraadoleć na rovary.
Jak piša kraj.by, milicyjaniery znajšli miortvym 75-hadovaha žychara vioski Zani Michaiła Lacha, jaki źnik razam z rovaram 8 žniŭnia, niedaloka ad vioski Svatki Miadzielskaha rajona na bierazie račułki.
Namieśnica kamandzira PSA «Anhieł» pa suviaziach z hramadskaściu Julija Koŭhan raskazała vydańniu, što milicyjaniery znajšli cieła Michaiła Mikałajeviča Lacha 15 žniŭnia. Da vioski Koniki jon tak i nie dajechaŭ.
— Tam jość most praz raku. Mahčyma, kali b jon vyrašyŭ pierajazdžać raku pa moście, usio skončyłasia b ščaśliva, a tak cieła znajšli na bierazie. Mahčyma, dzied chacieŭ niejkim čynam skarocić šlach, — miarkuje Julija Koŭhan. — My vykazvajem ščyryja spačuvańni rodnym i blizkim Michaiła Mikałajeviča.
Pravierku jašče pravodzić Śledčy kamitet. Pryčyna śmierci nie nazyvajecca.
Ciapier čytajuć
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ45
Kamientary
Ale nienavidžu adsyłki da ŭzrostu - "dzied", "dziadula" - jon nie vaš dzied. I ja nie vaš ni dzied, ni dziadzia. Imieni dastatkova. Pry asabistym zvarocie da čužych ludziej - "maci", "baćka", "dziadula", heta moža być ok, kali i ŭ intanacyi hučyć jak pryznańnie aŭtaryteta. Ale ŭ inšych situacyjach heta niejki machrovy ejdžyzm, padkreślivańnie adroźnieńniaŭ.