Prakopjeŭ, Jahoraŭ i Knyrovič: Mandat Cichanoŭskaj skončycca 9 žniŭnia 2025 hoda
Frakcyja ŭ Kaardynacyjnaj radzie «Biełarusy» vypuściła zajavu nakont padaŭžeńniaŭ paŭnamoctvaŭ Śviatłany Cichanoŭskaj na niapeŭny pieryjad.
Nahadajem, što padčas kanfierencyi «Novaja Biełaruś» było vyrašana, što paŭnamoctvy Śviatłany Cichanoŭskaj buduć zachoŭvacca da praviadzieńnia svabodnych vybaraŭ u Biełarusi, a sama jana atrymlivaje tytuł nacyjanalnaj lidarki.
«Ličym, što pałažeńnie ab biesterminovym padaŭžeńni mandata Śviatłany Cichanoŭskaj u jakaści nacyjanalnaj lidarki, zamacavanaje ŭ «Pratakole ab uzajemadziejańni KR, APK i Ofisa Śviatłany Cichanoŭskaj», niedapuščalna i padryvaje davier da ŭsich demakratyčnych sił Biełarusi ŭ cełym.
Luboje palityčnaje kiraŭnictva pavinna padparadkoŭvacca pryncypu dakładna ŭstalavanaha časavaha abmiežavańnia paŭnamoctvaŭ. Adsutnaść takich ramak stvaraje ryzyku źmianšeńnia prazrystaści ŭ pryniaćci rašeńniaŭ i źnižeńnia adkaznaści pierad vybarščykami, a taksama parušaje asnovy demakratyi, navat kali ŭ dadzieny momant paŭnamoctvy nacyjanalnaha lidara abmiežavanyja», — zajaŭlajuć Prakopjeŭ, Knyrovič i Jahoraŭ.
«U suviazi z vyšejpadadzienym, zajaŭlajem, što mandat Śviatłany Cichanoŭskaj jak nacyjanalnaha lidara z 9 žniŭnia 2025 hoda budzie niesapraŭdnym da prachodžańnia novaj pracedury paćvierdžańnia. Demakratyčnyja siły pavinny pakazvać prykład, prytrymlivajučysia pryncypaŭ vybarnaści i źmianialnaści», — reziumujuć členy frakcyi.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary