Armija abarony Izraila (CACHAŁ) paviedamiła pra hibiel kamandujučaha vajennym kryłom CHAMAS Muchamieda ad-Dejfa. Jon byŭ zabity 13 lipienia ŭ vyniku avijaŭdaru pa Chan-Junisie ŭ siektary Haza.
«Machamied Dejf byŭ kamandujučym bajavym kryłom CHAMAS i druhoj asobaj u kiraŭnictvie terarystyčnaj arhanizacyi CHAMAS u siektary Haza. Dejf inicyjavaŭ, spłanavaŭ i ažyćciaviŭ raźniu 7 kastryčnika, u vyniku jakoj na poŭdni Izraila było zabita 1200 čałaviek, a 251 zakładnik byŭ vykradzieny ŭ siektary Haza», — havorycca ŭ paviedamleńni.
Machamied ad-Dejf zajmaŭ pasadu kamandujučaha vajennym kryłom CHAMAS ź siaredziny 1990-ch i byŭ uklučany ŭ śpis samych niebiaśpiečnych złačyncaŭ Izraila. ZŠA ŭ 2015 hodzie ŭnieśli jaho ŭ pieralik terarystaŭ.
Izrailskija siłaviki niekalki razoŭ sprabavali źniščyć ad-Dejfa; ličycca, što padčas adnaho z napadaŭ u 2006 hodzie jon straciŭ voka, ruku i nahu, paviedamlała France24.
U kastryčniku minułaha hoda, praź niekalki dzion paśla pačatku vajny Izraila i CHAMAS, CACHAŁ nanios udar pa domie ad-Dejfa ŭ siektary Haza. U vyniku zahinuŭ brat kamandzira, a achviarami ŭdaru mahli stać i inšyja členy jaho siamji, piša RBK.
Najvyšejšym vykanaŭčym orhanam CHAMAS ličycca rada z 15 čałaviek, časam zvanaje Palitbiuro. Jano było sfarmavana ŭ 1996 hodzie ŭ Amanie (Iardanija) i pieravažna zajmajecca źniešniaj kamunikacyjaj ruchu i pryciahnieńniem finansavańnia. Z 2017 hoda Mižnarodnym Palitbiuro CHAMAS kiravaŭ Ismaił Chanija, jaki zahinuŭ u vyniku rakietnaha ŭdaru ŭ Tehieranie ŭ noč na 31 lipienia.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary