Maryja Vasilevič raskazała, jak stała viadučaj «Kałychanki». Kaža, heta nie dziela papularnaści
Byłaja «Mis Biełaruś» niadaŭna znajšła novuju pracu. Eks-deputatka parłamienta raskazała, jak atrymała prapanovu stać viadučaj «Kałychanki» i jakuju rolu budzie tam hrać.
Maryja Vasilevič kaža, što paśla sychodu z Pałaty pradstaŭnikoŭ abmiarkoŭvalisia roznyja varyjanty viartańnia na TB.
Adna z prapanoŭ pastupiła ad kanała «Biełaruś 3», piša Sputnik.
«Paśla zaviaršeńnia pracy ŭ parłamiencie abmiarkoŭvalisia roznyja varyjanty majho viartańnia na TB, u tym liku była prapanova i z boku telekanała «Biełaruś 3». Hetuju prahramu ja hladzieła i sama ŭ dziacinstvie, tamu ŭnutrany vodhuk na prapanovu ŭźnik adrazu. Paśla ŭdałych sprob rašeńnie było pryniata kančatkova», — padzialiłasia Vasilevič.
Eks-deputatka śćviardžaje, što nie imkniecca stać papularnaj praz «Kałychanku», a choča «stać sapraŭdnym siabram dla dziaciej i danosić pravilnyja kaštoŭnaści».
Nijakaha kankretnaha hieroja novaj viadučaj prydumlać nie stali.
«Z pradziusarami adrazu pryjšli da vysnovy, što nijakaha hieroja mnie prydumlać nie budziem. Ja budu saboj — prosta sučasnaj dziaŭčynaj sa svaimi intaresami i zachapleńniami. Tamu fantaziravać nie pryjšłosia, ź pieršych siekund adčuła siabie arhanična ŭ kadry, pakolki nie raz mieła dośvied znosin z maleńkaj aŭdytoryjaj», — adznačyła Maryja.
Vasilevič kaža, što vieści dziciačuju pieradaču niaprosta, tamu što niaprosta zavajavać uvahu dziaciej. Jana ličyć, što joj u hetaj spravie dapamoža ščyraja ŭśmieška.
Taksama «Mis Biełaruś — 2018» raspaviała, što praciahvaje ŭdzielničać u dabračynnych prajektach i jašče raz dadała, što «budzie danosić da dziaciej pravilnyja kaštoŭnaści».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii22
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary