Maryja Vasilevič narešcie znajšła pracu. Ź jaje sprabujuć zrabić zamienu Malavanyču
Byłaja deputatka Maryja Vasilevič viarnułasia na telebačańnie.
U akaŭncie Biełteleradyjokampanii ŭ instahramie źjaviłasia paviedamleńnie pra toje, što ŭ «Kałychanki» ciapier novaja viadučaja — Maryja Vasilevič. Tak što ciapier dapamahać baćkam układvać dziaciej spać budzie pieramožca konkursu «Mis Biełaruś 2018».
Darečy, heta nie pieršy jaje dośvied pracy na telebačańni. Nahadajem, što Vasilevič da pracy ŭ parłamiencie była viadučaj prahramy «Dobraj ranicy, Biełaruś!».
Jašče hetaj viasnoj Maryja raspaviadała, što nie viedaje, dzie ž budzie pracavać paśla taho, jak vyzvaliła deputackaje kresła: «Ja pakul nie mahu skazać, dzie vykarystaju svaje viedy i vopyt, tamu što pakul vyznačajusia. Ale, biezumoŭna, chočacca znajści tuju śfieru, dzie ja zmahu ŭnieści vialiki ŭkład, kab jašče palapšać tyja śfiery, jakimi ja raniej zajmałasia».
Razam z hetym Vasilevič tady adznačała, što ŭ jaje jość prapanovy z telebačańnia, jakija jana «vielmi aktyŭna razhladaje, tamu što hetaja tvorčaja kuchnia pakidaje samyja pryjemnyja ŭražańni. Tut jość svaja lohkaść i ryzyka».
Atrymlivajecca, što ŭ vyniku pryhažunia vyrašyła pasprabavać stać novym Malavanyčam.
Nieabchodna adznačyć, što hieroi «Kałychanki» biaruć udzieł i ŭ prapahandysckich mierapryjemstvach. Naprykład, akcior Uładzimir Varankoŭ, jaki lalkavodzić miedźviedzianiom Topaj, razam ź siostrami Hruździevymi jeździć na tak zvanyja dyjałohavyja placoŭki «Razam z mastactvam». Padčas takich sustreč artysty raskazvajuć prostym ludziam u nievialikich haradach pra toje, jak dobra žyć u Biełarusi.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary