Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy
Andrej Tarhašoŭ raspavioŭ rasijskamu prapahandysckamu resursu RT, što daviedaŭsia pra vybuch u nibyta jahonaj mašynie, kali byŭ na pracy, piša «Nastojaŝieje vriemia».
RT śćviardžaje, što źviazaŭsia z namieśnikam načalnika radyjocentra spadarožnikavaj suviazi Andrejem Tarhašovym i toj skazaŭ, što nie maje da absalutna nijakaha dačynieńnia da incydentu z padryvam aŭtamabila ŭ Maskvie.
Tarhašoŭ skazaŭ RT, što ŭ jaho «Nikoli nie było Land Cruiser i nie budzie, napeŭna». Da dopisa prykładzieny aŭdyjazapis.
«Ja navat nie pražyvaju ŭ tym rajonie. Ja zusim u inšym miescy pražyvaju», — cytuje surazmoŭcy RT.
Na pytańnie, jak prajšła jaho siońniašniaja ranica, Tarhašoŭ adkazaŭ: «Jak zvyčajna prajšło. Ustaŭ, na pracy, pracuju».
Inšyja rasijskija ŚMI napisali, što ŭzarvali poŭnaha ciozku Tarhašova, taksama aficera radyjosuviazi.
Siońnia ranicaj telehram-kanał «Astra» paviedamiŭ, što na poŭnačy Maskvy była ŭzarvana mašyna Toyota Land Cruiser, jakaja naležała namieśniku načalnika vajskovaj čaści 33790 Andreju Tarhašovu. Vajskovaja častka 33790 — heta 89-y centr spadarožnikavaj suviazi US RF.
Paviedamlałasia, što Tarhašovu, jaki byŭ u mašynie, adarvała stupni i jaho špitalizavali. U jakaści dokazu pryvodzilisia fotazdymki.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary