U papularnaha preparata Ozempic źjaviŭsia bolš paśpiachovy kankurent. Voś jaki
Novy preparat pakazaŭ siabie značna lepš za Ozempic i pryvioŭ da bolšaha źnižeńnia lišniaj vahi ŭ niekalkich tysiač pacyjentaŭ z ZŠA, pałova ź jakich chvareje na dyjabiet, pakazvajuć śviežyja kliničnyja daśledavańni.
Novaje kliničnaje daśledavańnie, apublikavanaje ŭ bujnym miedycynskim časopisie JAMA Internal Medicine, zaśviedčyła pieravahu preparata suprać atłuścieńnia i dyjabietu Mounjaro (ad kampanii Eli Lilly) nad viadomym va usim śviecie Ozempic.
Paraŭnalny analiz efiektyŭnaści abodvuch preparataŭ pravodziŭsia na bolš čym 18 tysiačach pacyjentaŭ u ZŠA ŭ pieryjad z maja 2022 hoda pa vierasień 2023-ha. Siaredni ŭzrost pacyjentaŭ składaŭ 52 hady, bolš za 70 pracentaŭ ź ich byli žančynami, a siaredniaja vaha ŭsich składała 110 kiłahramaŭ. 52% pacyjentaŭ mieli dyjabiet 2-ha typu.
Vyniki analizaŭ akazalisia takija.
- Źnižeńnie vahi na 5% i bolš: Mounjaro dasiahnuŭ hetaha vyniku ŭ 82% pacyjentaŭ, u toj čas jak Ozempic — u 67%.
- Źnižeńnie vahi na 10% i bolš: 62% pacyjentaŭ, jakija prymali Mounjaro, dabilisia źnižeńnia vahi na 10% i bolš, suprać 37% pacyjentaŭ, jakija prymali Ozempic.
- Źnižeńnie vahi na 15% i bolš: 42% pacyjentaŭ na Mounjaro zmahli źnizić svaju vahu na 15% i bolš, u toj čas jak u pacyjentaŭ Ozempic hety pakazčyk skłaŭ usiaho 18%.
Za 12 miesiacaŭ pacyjenty, jakija prymali Mounjaro, stracili ŭ siarednim na 7% bolš vahi, čym tyja, chto prymaŭ Ozempic za anałahičny pieryjad, havorycca ŭ śviežym kliničnym daśledavańni.
Pry hetym nie było zafiksavana nijakich adroźnieńniaŭ u pabočnych efiektach u dvuch preparataŭ. Jany całkam identyčnyja, ale Mounjaro dziejničaje bolš efiektyŭna, adznačajuć navukoŭcy.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary