U tamponach viadomych brendaŭ vyjaŭlenyja taksiny, jakija pravakujuć biaspłodździe i rak
Daśledavańnie pravodziłasia na tamponach, nabytych u kramach ES, Vialikabrytanii i ZŠA.
Kamanda navukoŭcaŭ sa Škoły hramadskaj achovy zdaroŭja pry Kalifarnijskim univiersitecie ŭ Bierkli vyjaviła 16 niebiaśpiečnych taksičnych mietałaŭ (śviniec, myšjak, kadmij i inšyja) u arhaničnych i niearhaničnych tamponach 14 brendaŭ, nabytych u kramach i markietpłejsach Jeŭrasajuza, ZŠA i Vialikabrytanii.
Hetyja taksiny padviarhajuć žančyn bolš vysokaj ryzycy raźvićcia biaspłodździa, raku, demiencyi i sardečna-sasudzistych zachvorvańniaŭ, napisana ŭ novym daśledavańni, apublikavanym u časopisie Science Direct.
«Niahledziačy na toje, što taksičnyja mietały možna sustreć paŭsiul u mnostvie praduktaŭ i vyrabaŭ va ŭsim śviecie, najaŭnaść takich u tamponach vyklikaje asablivuju tryvohu, bo pochva pahłynaje roznyja elemienty značna aktyŭniej za astatniuju skuru na ciele čałavieka», — adznačajuć navukoŭcy ź Bierkli.
Na ich dumku, taksičnyja mietały traplajuć u tampony ŭ pracesie vytvorčaści z-za roznych dabavak, takich jak adbielnyja i antybakteryjalnyja rečyvy.
«My vielmi spadziajemsia, što vytvorcy buduć aktyŭniej testavać svaju pradukcyju na mietały, asabliva na taksičnyja. Budzie vielmi važnym ubačyć šyroki hramadski zaklik da hetaha, kab vytvorcy rabili adpaviednyja papiaredžańni na markiroŭcy tamponaŭ i inšych mienstrualnych praduktaŭ», — padahulnili daśledčyki.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chita «Fantazior»4
Kamientary