«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim
Błohier z haradskoha pasiołka Akciabrski Andrej Pavuk patelefanavaŭ u miascovy rajvykankam i abłasny apieratyŭny centr MNS, kab spytać, jak pastupać u vypadku prylotu BPŁA. Niadaŭna rasijski ŭdarny bieśpiłotnik typu «šachied», pavodle «Biełaruskaha Hajuna» ŭzarvaŭsia ŭ Akciabrskim rajonie.
«I što? Usiakija situacyi ŭ žyćci byvajuć. Ja instrukcyi nie daju», — adkazali ŭ pryjomnaj rajvykankama i kinuli trubku paśla taho, jak błohier spytaŭ, što rabić, kali robat raptam upadzie na dom, pierakazvaje razmovu «Fłahštok».
U dziažurnaha apieratyŭnaha centra MNS Andrej Pavuk pacikaviŭsia, čamu nie moža znajści na sajcie viedamstva navinu ab nadzvyčajnym zdareńni — padzieńni i vybuchu bieśpiłotnika — i tym, jak pavodzić siabie pry nastupnaj atacy.
«Drony — heta bolš adnosicca da Ministerstva abarony, nie adnosicca da stychijnych biedstvaŭ i NS, — adkazaŭ dziažurny. — U lesie sihnał ab tryvozie vy nie pačujecie, jon budzie tolki ŭ žyłoj rysie».
Čamu pra incydent nie było aficyjnaj infarmacyi — pytańnie nie da MNS, dadaŭ supracoŭnik:
«Jość bolš kampietentnyja orhany, jakija vyrašajuć, jakuju infarmacyju raspaŭsiudžvać».
Taksama błohier patelefanavaŭ u lasnuju haspadarku — akazałasia, što tam naohuł nie ŭ kursie zdareńnia, ale paabiacali dałažyć kiraŭnictvu, pryniać miery i paraili zachoŭvać aściarožnaść.
Čamu rasijskija drony stali čaściej zalatać u Biełaruś?
Rasijski šachied vybuchnuŭ za 55 km ad Babrujska
U Mahilovie hučała sirena pavietranaj tryvohi paśla pralotu šachieda
Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju
Unačy šachied znoŭ zalacieŭ u Biełaruś
Kamientary