Armienija pryniała ŭdzieł u samicie NATA. Rasija pahražaje nastupstvami
U rasijskaha boku vyklikaje vialikaje škadavańnie ŭdzieł Armienii ŭ samicie NATA ŭ Vašynhtonie, zajaviŭ RIA Novosti namieśnik kiraŭnika MZS RF Michaił Hałuzin.
«Havoračy ab śfiery biaśpieki, chaču padkreślić, što Armienija zastajecca členam ADKB, vystupaje ŭdzielnikam šmatlikich dvuchbakovych damoŭlenaściaŭ u vajennaj i vajenna-techničnaj halinach», — dadaŭ jon.
«U Armienii addajuć pieravahu naroščvać uzajemadziejańnie z NATA abo asobnymi ŭdzielnikami aljansu, asabliva ŭ častcy ŭkaranieńnia nataŭskich standartaŭ, zakupaŭ uzbrajeńniaŭ abo praviadzieńnia sumiesnych mierapryjemstvaŭ bajavoj padrychtoŭki, nie kažučy ab udziele ŭ samicie hetaha vajenna-palityčnaha błoka, jaki prachodzić u Vašynhtonie. Heta nie moža nie vyklikać ničoha, akramia krajniaha škadavańnia», — zajaviŭ jon.
Pavodle słoŭ Hałuzina, «pahłyblajučy takimi tempami supracoŭnictva z tymi, čyja meta — stratehičnaje paražeńnie Rasii, Jerevan svaimi rukami ryzykuje surjozna destabilizavać abstanoŭku na Paŭdniovym Kaŭkazie na škodu ŭ tym liku ŭłasnaj biaśpiecy».
«Dumaju, daśviedčanyja śpiecyjalisty i palityki ŭ Armienii razumiejuć mahčymyja vydatki ad takich nieabačlivych krokaŭ», — dadaŭ jon, dajučy zrazumieć, što Rasija heta tak nie pakinie.
Ministr zamiežnych spraŭ Armienii Ararat Mirzajan pryniaŭ udzieł u niekatorych mierapryjemstvach samita NATA. Kiraŭnik MZS Armienii zajaviŭ, što šanuje ciesnaje supracoŭnictva z NATA, pra heta jon napisaŭ u tvitary.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary